Qazaqstan Türkiiaǧa 250 tonna gumanitarlyq kömek jıberedı. Būl turaly Türkiianyŋ elımızdegı tötenşe jäne ökılettı elşısı Ufuk Ekidji elşılıkte ötken baspasöz mäslihatynda mälımdedı, dep habarlaidy "Adyrna" ūlttyq portaly BAQ.KZ-ke sılteme jasap.
Qazaqstan memleketı jer sılkınısınıŋ ekınşı künı Türkiiaǧa 41 adamnan tūratyn alǧaşqy ızdeu-qūtqaru tobyn daiyndap, jıberdı. Ekı künnen keiın ekınşı komanda da Türkiiaǧa kettı. Izdeu-qūtqaru jūmystaryna barlyǧy 100 adam men 6 itten tūratyn top qatysty. Osy oraida qūtqaruşylarǧa, qūrmettı QR Tötenşe jaǧdailar ministrıne, olardyŋ jūmysy üşın alǧys bıldıremın. Ülken jankeştılıkpen jäne tabysty türde öz qyzmetterın atqarǧan qūtqaru toby köptegen adamdardyŋ ömırın saqtap qaldy jäne otandastarymyzdy üiındıler astynan şyǧardy. Qūtqaruşylar tobyn ötken jeksenbı künı, tünde Astanaǧa oralǧan kezde äuejaida qarsy aldyq, - dep atap öttı elşı.Sondai-aq elımız qanşa kölemde gumanitarlyq kömek bergenıne toqtaldy.
Sonymen qatar Qazaqstan 1 mln dollar kölemınde resmi aqşalai kömek körsettı. Ükımet ūsynǧan qosymşa 55 tonna gumanitarlyq kömek te ötken demalys künderı jer sılkınısı aimaǧyna jetkızıldı. Bızdıŋ elşılık pen bas konsuldyqtarymyzǧa qazaqstandyq erıktıler äkelgen gumanitarlyq jükter kezegımen elımızge jıberıldı jäne AFAD-qa tabystaldy. Jinaqtalǧan gumanitarlyq jükterdıŋ edäuır bölıgı Qazaqstan Ūlttyq ūlanynyŋ qolbasşylyǧy bölgen ūşaqtarmen jetkızıledı. Bügın Astanadan alǧaşqy ūşaq ūşyp şyqty. Erteŋ Almatydan taǧy bır ūşaqty jıberu josparlanuda. Osy jetkızılımdermen bırge Qazaqstannan barlyǧy 250 tonnaǧa juyq gumanitarlyq kömek jöneltıletın bolady, - dedı Ufuk Ekidji.Belgılı bolǧandai, atalǧan qajettı zattardyŋ ışınde qazırgı kezde eŋ qajetı –şatyrlar, körpeler, tösek qaptary, generator, jylytqyştar bar. Qazaqstan Ükımetı sondai-aq jyljymaly därethana men tösek jabdyqtary siiaqty asa qajettı zattardy jıberdı.
Zattai kömekten basqa, Qazaqstan tūrǧyndary da aqşalai kömek körsetude. Osy uaqytqa deiın AFAD-tyŋ jer sılkınısı üşın aşylǧan arnaiy resmi şotyna şamamen 5 mln dollar kelıp tüstı. Osy oraida men Aqparat jäne qoǧamdyq damu ministrlıgıne erekşe alǧys aitqym keledı. Olar bastaǧan nauqanmen jäne olar aşqan şot arqyly olar bızdıŋ qarajat jinau nauqanyna ülken qoldau körsettı, - dedı ol.
"Adyrna" ūlttyq portaly
