Qaradala ölkesınıŋ tumasy, Ahmet Baitūrsynūly atyndaǧy Tıl bılımı institutynyŋ aǧa ǧylymi qyzmetkerı Arailym Botanqyzy Ūiǧyr audany äkımınıŋ qos ūltty alalap, ūlttyq saiasatqa syna qaǧyp otyrǧan qyzmetıne qatysty şyndyqty aşyp aitty. Äleumettık jelıde aşyq pıkır bıldırdı. Onyŋ aituynşa, äkımdık ūiǧyrlar tūratyn auyldarǧa ǧana köŋıl böledı, könbıs qazaq tasada qalady.
Ötken künı Ūiǧyr audany, Kepebūlaq auylynda tırıdei janyp ketken azamat pen balalar da audandaǧy diskriminasiianyŋ kesırınen köz jūmǧan. Būl tūrǧyndardy küiındırıp otyr. Būl jaily habarlaidy "Adyrna" ūlttyq portaly jazdy.
Ahmet Baitūrsynūly atyndaǧy Tıl bılımı institutynyŋ aǧa ǧylymi qyzmetkerı Arailym Botanqyzy Ūiǧyr audany äkımınıŋ qos ūltty alalap, ūlttyq saiasatqa syna qaǧyp otyrǧan qyzmetıne qatysty şyndyqty aşty. Onyŋ aituynşa, Ūiǧyr audanynyŋ qazırgı äkımı Nurahunov Şuhrat Turdahunūly qyzmetten ketuı tiıs:
- Ūiǧyr audanynyŋ äkımı osy nemen ainalysady? Odan nege sūralmaidy. Audandaǧy auyldarǧa jauapty sol emes pe? Ketsın ornynan. Bıtırıp jatqan tügı joq. Joq menıkı qate me? Ūiǧyry bar auyldardyŋ jaǧdaiy jaman emes. Kepebūlaqta (Bödetı) ūiǧyr bolmaǧany üşın kınälı me? Keşegı Jarkenttıŋ taksisterınıŋ bır auyz sözıne öre türegelgen köp şuyldaq, qaidasyzdar?! Adam ölıp jatyr. Ondai kezde mäsele tek sol audanǧa qatysty bolyp qalady. Dosym degen jıgıt ekı balapanymen tırıdei janyp kettı, - dep küiındı avtor.
Aişyqtai keteiık, Almaty oblysy, Ūiǧyr audany, Kepebūlaq auylynda jan türşıgerlık qaiǧyly jaǧdai boldy. Üide şyqqan örtten äkesı men kışkentei ekı perışte balasy tırıdei janyp kettı. Auylda ört söndıru qyzmetın şaqyru üşın ūialy bailanys ta bolmaǧan.
Oqyrmandar qazaqtar tūratyn auyldarǧa müldem köŋıl bölınbeitının rastady. Olar:
"Qaitys bolǧan jıgıttı jaqsy tanuşy edım. Aŋqyldaǧan aqköŋıl jıgıt edı. Sonşama uaqyt beiqamdyqqa salynyp jürgen şendıler jauap bersın. Ketpen men Kışı Dihanda bar ūialy bailanys, Kepebūlaqqa jetpedı degen jäi syltau ǧana. Altynai men Meiraş täte qandai küide ekenın közıme elestete almaimyn. 3 botasynan aiyrylǧan Mūrat aǧanyŋ jaǧdaiyn tıpten. Sol baiaǧy jürdım-bardym qaraudyŋ saldary...";
"Bızdıŋ Ülken diqanda anau aitqandai keremet bolmasa da bailanys bar. Qazaqtar ǧana tūrsa müldem joq bolar ma edı. Jailary jannattan bolsyn" dedı olar.
"Adyrna" ūlttyq portaly
Ūqsas jaŋalyqtar
ūiǧyr audany
Ahmet Baitūrsynūly atyndaǧy Tıl bılımı instituty
Arailym Botanqyzy
Nurahunov Şuhrat Turdahunūly
