Qaradala ólkesiniń týmasy, Ahmet Baıtursynuly atyndaǵy Til bilimi ınstıtýtynyń aǵa ǵylymı qyzmetkeri Araılym Botanqyzy Uıǵyr aýdany ákiminiń qos ultty alalap, ulttyq saıasatqa syna qaǵyp otyrǵan qyzmetine qatysty shyndyqty ashyp aıtty. Áleýmettik jelide ashyq pikir bildirdi. Onyń aıtýynsha, ákimdik uıǵyrlar turatyn aýyldarǵa ǵana kóńil bóledi, kónbis qazaq tasada qalady.
Ótken kúni Uıǵyr aýdany, Kepebulaq aýylynda tirideı janyp ketken azamat pen balalar da aýdandaǵy dıskrımınaııanyń kesirinen kóz jumǵan. Bul turǵyndardy kúıindirip otyr. Bul jaıly habarlaıdy "Adyrna" ulttyq portaly jazdy.
Ahmet Baıtursynuly atyndaǵy Til bilimi ınstıtýtynyń aǵa ǵylymı qyzmetkeri Araılym Botanqyzy Uıǵyr aýdany ákiminiń qos ultty alalap, ulttyq saıasatqa syna qaǵyp otyrǵan qyzmetine qatysty shyndyqty ashty. Onyń aıtýynsha, Uıǵyr aýdanynyń qazirgi ákimi Nýrahýnov Shýhrat Týrdahýnuly qyzmetten ketýi tıis:
- Uıǵyr aýdanynyń ákimi osy nemen aınalysady? Odan nege suralmaıdy. Aýdandaǵy aýyldarǵa jaýapty sol emes pe? Ketsin ornynan. Bitirip jatqan túgi joq. Joq meniki qate me? Uıǵyry bar aýyldardyń jaǵdaıy jaman emes. Kepebulaqta (Bódeti) uıǵyr bolmaǵany úshin kináli me? Keshegi Jarkenttiń taksısteriniń bir aýyz sózine óre túregelgen kóp shýyldaq, qaıdasyzdar?! Adam ólip jatyr. Ondaı kezde másele tek sol aýdanǵa qatysty bolyp qalady. Dosym degen jigit eki balapanymen tirideı janyp ketti, - dep kúıindi avtor.
Aıshyqtaı keteıik, Almaty oblysy, Uıǵyr aýdany, Kepebulaq aýylynda jan túrshigerlik qaıǵyly jaǵdaı boldy. Úıde shyqqan órtten ákesi men kishkenteı eki perishte balasy tirideı janyp ketti. Aýylda órt sóndirý qyzmetin shaqyrý úshin uıaly baılanys ta bolmaǵan.
Oqyrmandar qazaqtar turatyn aýyldarǵa múldem kóńil bólinbeıtinin rastady. Olar:
"Qaıtys bolǵan jigitti jaqsy tanýshy edim. Ańqyldaǵan aqkóńil jigit edi. Sonshama ýaqyt beıqamdyqqa salynyp júrgen shendiler jaýap bersin. Ketpen men Kishi Dıhanda bar uıaly baılanys, Kepebulaqqa jetpedi degen jáı syltaý ǵana. Altynaı men Meırash táte qandaı kúıde ekenin kózime elestete almaımyn. 3 botasynan aıyrylǵan Murat aǵanyń jaǵdaıyn tipten. Sol baıaǵy júrdim-bardym qaraýdyń saldary...";
"Bizdiń Úlken dıqanda anaý aıtqandaı keremet bolmasa da baılanys bar. Qazaqtar ǵana tursa múldem joq bolar ma edi. Jaılary jannattan bolsyn" dedi olar.
"Adyrna" ulttyq portaly
