Erlıkpen qaza tapqan ört söndıruşı Asqar Zabikulinnıŋ jary Änel özınıŋ Instagram paraqşasynda jantebırenterlık jazba jariialady, dep habarlaidy "Adyrna" ūlttyq portaly.
«Eŋ äuelı Allaǧa şükır etemın. Asqaryma bas iıp rahmetımdı aitamyn. Menıŋ jan-jarym bolǧany üşın, jaqsy-jaman künderde ärqaşan janymnan tabylǧany üşın, barlyq erkelıgımdı kötere alǧany üşın, süiıktı jarym dep menı ǧana ataǧany üşın, täp-tättı qyzdarymyzdyŋ äkesı bolǧany üşın, äke degen qūrmettı atqa laiyq bolǧany üşın, bızdıŋ arqa-süier tıregımız bolyp, jan-jyluyn tökkenı üşın, jūmystan üige qaitqanda ünemı külıp kırıp, jaryq şuaq syilaǧany üşın, menı, balalardy quantu üşın bar jaǧdaidy jasaǧany üşın, otbasy üşın künı-tünı demei eŋbek etuge äzır bolǧany üşın, baqytty otbasy boluǧa barynşa talpynǧany üşın alǧysym şeksız. Alǧys aitudan şarşamaimyn da. Odan keiın ata-anama, bauyrlaryma, aǧaiyn tuysqandaryma alǧysymdy aitamyn. Alǧysymdy jabyqqanda janymnan tabylǧan, qinalǧanda maǧan qarailasqan, maǧan demeu bolǧan dostaryma aitamyn. Jäne de bızdıŋ tıleuımızdı tılep, ünemı dūǧalaryŋyzǧa qosyp jürgen Sızderge de alǧysymdy aitamyn. Ūmytpaŋyz! Mūsylmannyŋ är künı alǧysqa toly! Bız ünemı tılımızben de, jüregımızben de Allaǧa, adamdarǧa alǧys aitudan tynbauymyz kerek», - dep jazdy Änel Zabikulina.
"Adyrna" ūlttyq portaly
