Astanada zaŋsyz salynǧan 76 qūrylys nysanynda jūmys toqtatyldy. Būl turaly qala äkımdıgınıŋ baspasöz qyzmetı jazdy, dep habarlaidy «Adyrna» tılşısı.
«Qazırgı uaqytta rūqsat qūjattarynsyz qūrylysy jürıp jatqan 76 nysan anyqtaldy. Olardyŋ qatarynda: «Mars Project» JŞS, «Aiz Kurylys» JŞS, «Rusalding Line» JŞS, «Bilding kompani» JŞS, «Expert Consulting Agency Kazakhstan» JŞS, «Tauekel İnjiniring» JŞS, «Global Millennium» JŞS, «Handan-Astana» JŞS, «Oreol-Group» jäne t.b. Rūqsat qūjattarynsyz qūrylys jürgızetın subektılerdıŋ bärıne jūmysyn toqtatu turaly nūsqama berıledı ärı äkımşılık jauapkerşılıkke tartyldy. Sondai-aq tiıstı jer qūqyǧynsyz qūrylysy jürıp jatqan 20 obekt (76 obektınıŋ ışınde) boiynşa sot organdaryna demontajdau boiynşa talap aryzdar berıletın bolady»,—delıngen habarlamada.
