Azat Peruaşev bastaǧan Respublikalyq ştab ökılderı Qostanai oblysyna bardy

«Aq jol» dempartiiasynyŋ sailaualdy ştaby el aumaǧy boiynşa halyqpen jäne eŋbek ūjymdarymen kezdesulerın belsendı türde jalǧastyruda. 700-den astam partiia kandidattary qala, oblys, audandar men şalǧai auyldarda kezdesuler ötkızude. Bügın «Aq jol» respublikalyq ştabynyŋ müşelerı Qostanai qalasyna keldı. Partiia liderı Azat Peruaşev, «Aq jol» QDP Qostanai oblystyq filialynyŋ töraǧasy Mahabbat Jūtaev jäne Mäjılıs pen jergılıktı mäslihat deputattyǧyna kandidattar «Beef Export Group» JŞS eŋbek ūjymymen kezdestı. Käsıporyn ettı qaita öŋdeu, konservıleu jäne satumen ainalysady. Sailau ştabynyŋ müşelerı käsıporynnyŋ jūmysymen, önımderımen tanysty. Jiyn barysynda partiia töraǧasy «Aq jol» dempartiiasy jūmys ıstep jatqan alty negızgı baǧyttaryn atady. Täuelsızdık jäne «Alaş» ūlttyq ideiasy, demokratiia jäne parlamentarizm, jemqorlyqpen küres jäne de-ofşorizasiiamen küres, äleumettık ädılettılık, naryqtyq ekonomika jäne käsıpkerlıktı qoldau, syrtqy saiasat. Partiia basşysy demokratiia jäne parlamentarizm taqyrybyna, memlekettık biudjettı bekıtu men baqylaudaǧy Parlamenttıŋ ökılettıgın küşeitu, şeteldık investorlarmen kelısım-şarttardy qaita qarau mäselelerıne jan-jaqty toqtaldy.

– «Ädılettılık adam qūqyǧyna ǧana qatysty emes, sonymen qatar, äleumettık salada da, ekonomikada da ädıldık boluy kerek, mysaly, ädıl salyq salu. «Aq jol» dempartiiasy salyq, investisiialyq, qarjylyq zaŋnamany jetıldıru boiynşa toqtausyz jūmys ısteude», - dedı A. Peruaşev.

Sonymen qatar, qyzmetkerlerdı zeinet jasy, ipotekalyq nesieleu, jeke tūlǧalardyŋ bankrottyǧy mäselelerı qyzyqtyrdy. Partiia köşbasşysy 3 nauryzda «Aq jol» dempartiiasy 8 jyldan berı talap etıp kelgen jeke tūlǧalardyŋ bankrottyǧy turaly zaŋnyŋ küşıne engenın eske saldy. Prezident Q.Toqaevtyŋ tıkelei tapsyrmasynan keiın ǧana ıs alǧa jyljydy. Kezdesu aşyq ärı erkın pıkıralmasu türınde öttı.

– «Azat Tūrlybekūly, kelgenıŋızge rahmet. Bızdıŋ eŋbek ūjymy «Aq jol» partiiasynyŋ saiasatyn tolyqtai qoldaidy. Sızben tanysqan kezde bızdıŋ kompaniia daǧdarysty jaǧdaida boldy. Sızge alǧysym şeksız, öitkenı sız eşteŋege qaramastan bızdıŋ mäselemızge tereŋırek üŋılıp, ädıldık üşın tabandylyq tanyttyŋyz. Sonyŋ arqasynda osy käsıporynnyŋ qūrylysyn aiaqtadyq. 2020 jyly Beefstream kompaniiasynyŋ esepşottary būǧattalǧandyqtan, 50 adam jūmyssyz qaldy. Bıraq osy kompaniiany salyp, mūnda adamdardy jartylai jūmyspen qamtydyq. Ol bolmasa, bız būl jerde tūrmas edık. Qanşa qylmystyq ıs qozǧalǧanyn, qanşa qysym jasalǧanyn bılseŋız ǧoi. Bıraq sızdıŋ qoldauyŋyzdyŋ arqasynda bız qazır jūmysty jalǧastyrudamyz. Alda talai ıster kütıp tūr dep oilaimyn. Sondyqtan, bızdıŋ eŋbek ūjymy partiia ideiasyn, partiia saiasatyn tolyq qoldaidy jäne «Aq jol» partiiasynyŋ qataryna qosyludy qalaidy, – deidı serıktestık basşysy Aleksandr Parhomenko.

Azat Peruaşev et kombinatynyŋ ūjymyna alǧys bıldırıp, baǧa tūraqtylyǧyn qamtamasyz etıp otyrǧan salalardy atady. Kompaniianyŋ bırneşe qyzmetkerıne «Aq jol» demokratiialyq partiiasynyŋ partbiletterı tabystaldy. Sol künı «aqjoldyqtar» «Terra» kompaniiasynyŋ kökönıs qoimasy jäne «ABZ Plius» JŞ-nıŋ de eŋbek ūjymdarymen kezdestı. Azat Peruaşev partiianyŋ saiasi baǧdarlamasyn tanystyryp, basym baǧyttaryn jan-jaqty tüsındırıp berdı. «Aq jol» dempartiiasynyŋ ekonomikany liberalizasiialauǧa qatysty ūsynystaryna airyqşa toqtaldy.

«Bızdıŋ partiia 2011 jyldan bastap salalyq salyq mölşerlemelerıne köşudı ūsynyp keledı. Sebebı, bızde azyq-tülık pen kiım-keşek öndıruşılerı mūnai, gaz, metaldarymyzdy eksporttauşy, özgenıŋ tauaryn importtauşy ırı kompaniialarmen bırdei QQS töleidı. Al, barlyq käsıpkerler men halyq bereşek bolyp otyrǧan bankter QQS-tan müldem bosatylǧan. Osy oraida, Europada jäne basqa da damyǧan elderde (EYDŪ) saralanǧan salyq stavkalary būrynnan bar, äleumettık jäne maŋyzdy sala käsıpkerlerı salyqty az töleidı. Mysaly, auyl şaruaşylyǧy, auyl şaruaşylyǧy önımderın öŋdeu, azyq-tülık öndırısı, därı-därmek, balalar önımderı. Bıraq, 2011 jyldan berı saralanǧan salyq mölşerlemelerın engızu turaly köptegen ūsynystarymyzǧa ükımet «būl adal bäsekelestık qaǧidatyn būzu» dep jauap berıp keldı. Kım arasyndaǧy bäseke? Bai men kedei arasyndaǧy ma? Mūnai kompaniiasy men şūjyq sehynyŋ arasyndaǧy ma? Būl bäseke emes, tonalu», — dedı Azat Peruaşev.

Eske salaiyq, 2022 jyly Q.Toqaevtyŋ tapsyrmasynan keiın Salyq kodeksı äzırlene bastady, onda prezident salalyq salyq mölşerlemelerıne köşudı tapsyrǧan bolatyn. Sonymen qatar, Parlamenttık Respublikanyŋ erekşelıkterı, Ükımettıŋ esep beru prinsipın jüzege asyru, zaŋnamaǧa «şyqqan deregı belgısız bailyq» ūǧymyn engızu, ükımet müşelerınıŋ, äkımderdıŋ, ūlttyq kompaniia basşylarynyŋ offşorlyq bank şottaryna qatysty banktık qūpiiany joiu mäselelerı talqylandy. Partiia töraǧasy «Aq jol» ärqaşan otandyq tauar öndıruşılerdı qoldap, qarapaiym azamattardy qorǧaitynyn atap öttı. Mysal retınde ol jeke tūlǧalardyŋ bankrottyǧyn engızuge qatysty partiia men Ūlttyq bank arasyndaǧy 8 jylǧa sozylǧan tartys jaily aityp berdı. Mūnan soŋ, «Aq jol» dempartiiasynyŋ kandidattary «ABZ plius» JŞS eŋbek ūjymymen kezdestı. Bırneşe jyl būryn «Aq jol» dempartiiasy käsıporyndy bankrottyqtan saqtap qalǧan bolatyn. Salyq organdary käsıporynǧa 3,5 milliard teŋge aiyppūl salǧannan soŋ, «Aq jol» partiiasynyŋ töraǧasy Bas prokurorǧa, Joǧarǧy sotqa jäne Ükımetke saual joldaǧan bolatyn. «Aq jol» dempartiiasy salyq aiyppūlynyŋ qate eseptelgenın däleldep, jūmys oryndaryn saqtap, käsıporyndy qorǧap qala aldy. Būl turaly kompaniia direktory Nikolai Lobanovtyŋ özı aityp, «Aq jol» partiiasyna alǧys bıldırdı. Partiialyq baǧdarlama tanystyrylǧannan keiın käsıporyn qyzmetkerlerı erkın äŋgıme barysynda ipotekalyq nesieleu, zeinet jasyn tömendetu, ziiandy jäne qauıptı eŋbek jaǧdailary bar jūmysşylardyŋ 1 jäne 2 tızımderın qaitaru, jalaqyny köteruge qatysty sūraqtaryn qoidy.

«Mūǧalımder men därıgerlerdıŋ, biudjettık jäne äleumettık qyzmetkerlerdıŋ jalaqysy ünemı köterıledı, al bız sekıldı köşede jūmys ısteitın qarapaiym jūmysşylar müldem eskerılmeidı. Osy mäselenı Ükımet aldynda kötere alasyz ba?», - dep ötınış bıldırdı käsıporyn qyzmetkerlerınıŋ bırı.

Käsıporyn basşysy Nikolai Lobanovtyŋ aituynşa, biylǧy jylǧa deiın köşelerdı qardan tazartu boiynşa memlekettık satyp aluda bır qyzmetkerge saǧatyna 700 teŋge tarif bekıtılgen, būl şyn mänınde jetkılıksız jäne 80-90 myŋ aralyǧyndaǧy jalaqy sodan qalyptasady, al jol salasyndaǧy jūmysşylardyŋ eŋbegı öte auyr. «Aq jol» dempartiiasy Qostanai oblystyq filialynyŋ töraǧasy, oblystyq mäslihattyŋ ekı şaqyrylymynyŋ deputaty bolǧan Mahabat Jūtaev taiauda ǧana tarif qaita qaralyp, 1400 teŋgege deiın köterılgenın atap öttı. Sondai-aq, tūrǧyn üi men onyŋ jalǧa alu baǧasynyŋ qymbattauyna, jastarǧa qoljetımdı baspananyŋ joqtyǧyna qatysty şaǧymdar aityldy.

«Aq jol» dempartiiasy aldaǧy uaqytta da Parlamentte jüielı problemalardy Ükımet aldynda köteretın bolady», - dep sendırdı respublikalyq ştab müşelerı.

Materialdyŋ aqysy «Aq jol» demokratiialyq partiiasynyŋ sailau qorynan tölendı.