Tótenshe jaǵdaılar komıteti Astanada bes qyz qaza tapqan órt sebebin atady . Bul týraly Astana telearnasy habarlady.
Órt qaýipsizdigi salasyn baqylaý jáne aldyn alý basqarmasynyń bastyǵy Jasulan Aqtaevtyń sózinshe, murjanyń durys ornatylmaýy órtke sebep bolǵan.
"Murjany ornalystyrý kezinde órt qaýipsizdigi erejeleri buzylǵan. Úıdiń tóbesi men murjanyń arasynda bos jer bolmaǵan. Sonyń saldarynan peshti paıdalanǵan kezde órt shyqqan" dedi ol.
Tótenshe jaǵdaılar komıteti ókili órt bolardan bir apta buryn ýaqytsha baspanany komıtet qyzmetkerleri teksergenin habarlaǵan. Biraq Aqtaev tekserý kezinde úıdiń órt qaýipsizdigi talaptaryna qanshalyqty saı bolǵany týraly eshteńe aıtpady. Onyń sózinshe, "turǵyndar tekserýshilerdi kóbine úılerine kirgizbeıdi".
Komıtet ókiliniń sózinshe, Qazaqstanda jylyna 15 myńǵa jýyq órt tirkeledi. 2019 jyly bir aıda 116 adam órtten qaza tapqan.
4 aqpanǵa qaraǵan túni Astananyń Kóktal-1 shaǵyn aýdanynda jeke úıdiń aýlasyndaǵy ýaqytsha baspana órtenip, bir otbasyndaǵy 2006, 2008, 2013, 2015 jáne 2018 jyly týǵan bes qyz bala opat bolǵan edi.
Órtten soń Astana ákimi Baqyt Sultanov shuǵyl keńes ótkizip, aýdan ákimderinen polıııa jáne tótenshe jaǵdaılar departamentterimen birlesip dereý qaladaǵy jeke turǵyn úılerdi aralap shyǵýdy jáne ár úıdiń órt qaýipsizdigi talaptaryna sáıkestigin tekserýdi talap etken. Ákim "Bul sizderdiń qatelikterińiz" dep tótenshe jaǵdaılar qyzmetin sókken.
Osy oqıǵadan keıin kóp balaly analar narazylyǵy kúsheıgen. Eldegi órt qaýipsizdigine syn aıtyla bastaǵan.
