Eldıŋ soltüstıgınde sailaualdy tur jalǧasuda. Respublica partiiasynyŋ komandasy Aqmola oblysyna keldı. Būl – nauqan kezeŋınde Qazaqstannyŋ 14-şı aimaǧy.
Kökşetau qalasynda jalpy halyqpen, auyl şaruaşylyǧy tauar öndıruşılerımen, eŋbek ūjymdarymen jäne Isker äielder qauymdastyǧymen kezdesuler öttı. Is-şaralarǧa barlyǧy 1000-ǧa juyq adam qatysty.
«Qazır universitetter men biznestıŋ ärtürlı keŋıstıkte ekenın körıp otyrmyz. Biznes ökılderı joǧary oqu oryndarynyŋ qamqorşylyq keŋesterınde bolyp, bolaşaq mamandardy daiarlau baǧdarlamalaryn retteuı qajet. Būl şara orta merzımdı perspektivada bılım sapasy men eldıŋ kadrlyq äleuetın arttyruǧa mümkındık beredı», - dedı partiia töraǧasy, QR Parlamentı Mäjılısınıŋ deputattyǧyna kandidat Aidarbek Qojanazarov.
Ol «Tynys» AQ ūjymymen kezdesu barysynda joǧary bılıktı mamandardy daiarlau üşın biznes pen joǧary oqu oryndarynyŋ belsendı yntymaqtastyǧy qajettıgın atap öttı.
Partiianyŋ teŋ töraǧasy, QR Parlamentı Mäjılısınıŋ deputattyǧyna kandidat Dinara Şükıjanova oblystyq Isker äielder qauymdastyǧynyŋ ökılderımen kezdesuınde qazaqstandyq qoǧamda älı künge deiın äieldermen bailanysy bar stereotipter taqyrybyn köterdı.
«Qostanai qalasynda «AgromaşHolding KZ» jäne «SaryarqaAvtoprom» siiaqty kombaindar men maşinalar şyǧaratyn zauyttar bar ekenın bärıŋız bılesızder. Men osy qūrylymdarǧa 2011 jyly qatardaǧy basşy bolyp keldım, 12 jyldan keiın osy käsıporyndardy basqaruǧa kırıstım. Bır künı klientterdıŋ bırı menımen kezdesuge keldı. Dälızde jür eken, qarsy alaiyn dep aldynan şyqtym, ol kürteşesın şeşıp, menıŋ qolyma ūstatty. Sodan soŋ: «Rahmet, sızdıŋ prezidentıŋız qaida?» dedı. Men prezident ekenımdı aittym, bıraq ol: «Joq, joq! Kompaniianyŋ prezidentı – Dinara qaida?» - dedı. Men kompaniianyŋ basşysy ekenımdı aittym taǧy da. Ol taŋ qaldy, keŋ şalbar kigen, qolynda balǧasy bar, boiy ekı metr äieldı elestetkenın de jasyrmady. Men mūndai stereotipterdı jiı kezdestıremın», - dedı Dinara Şükıjanova
Sondyqtan, Respublica partiiasynyŋ teŋ töraǧasy qazaqstandyq qoǧamdaǧy köşbasşy äielderge degen közqarasty özgertu qajet dep sanaidy. Şükıjanovanyŋ Parlamenttegı äielder ülesın arttyrudy talap etuınıŋ bır sebebı de osynda.
Eske salaiyq, nauqannyŋ ekı aptadan säl astam uaqytynyŋ qorytyndysy boiynşa Respublica partiiasynyŋ müşelerı Astana, Almaty, Taldyqorǧan, Şymkent, Qonaev, Taraz, Türkıstan, Qyzylorda, Qostanai, Oral, Aqtöbe, Oral, Petropavl qalalaryn, sondai-aq bırqatar auyldyq eldı mekenderın aralady.
Osy uaqytqa deiın 153 myŋǧa juyq qazaqstandyq partiia qataryna ötuge ötınış bıldırgen.
Erteŋ partiialyqtar saparyn Pavlodar qalasynda jalǧastyrady.
