«Aq jol» partiiasy respublikalyq sailaualdy ştabynyŋ müşelerı Şyǧys Qazaqstan oblysynda kezdesuler ötkızude.
«Aq jol» partiia töraǧasynyŋ orynbasarlary Dmitrii Vasilev pen Berık Düisembinov oblys käsıpkerlerımen ötken döŋgelek üstel jūmysyna qatysty. Kandidattar biznes ökılderıne partiia baǧdarlamasynyŋ alty basym baǧyty turaly aityp berdı.
Biznestı damytu, nesienıŋ qymbat mölşerlemelerı, offşorlyq esepşottardaǧy halyq qarajatyn Qazaqstanǧa qaitaru turaly tarmaqtar öŋır tūrǧyndarynan qoldau tapty.
Jastardy ipotekalyq nesie mäselesı tolǧandyrdy.
Al, käsıpkerlerdıŋ aituynşa, şeksız mümkındıkke ie sot oryndauşylarynyŋ äreketıne narazy. Olar kompaniialardyŋ esepşottaryn būǧattap, tabys tauyp, qaryzdarynan qūtyluyna kedergı jasaidy. Käsıporyndardy dizeldık otynmen qamtamasyz etu mäselesınde de kereǧar jaǧdai tuyndauda. Halyqqa, auyl şaruaşylyǧyna jeŋıldıkter qarastyrylsa, kenışter men kölık kompaniialary ony 3 ese qymbatqa satyp aluǧa mäjbür. Olardyŋ köpşılıgı bankrottyqtyŋ aldynda tūr.
Būl mäselelerdıŋ barlyǧy baqylauda bolady, dep sendırdı Dmitrii Vasilev.
Biznes partiiasy öz tarapynan käsıpkerlık salasyndaǧy mäselelerdı şeşudıŋ bırqatar joldaryn ūsynuǧa daiyn. Atap aitqanda, äleumettık maŋyzy bar tauarlar men biznestıŋ basym sektorlary üşın 0-6% deŋgeiınde qosymşa qūn salyǧynyŋ tömendetılgen mölşerlemelerın engızudı talap etu. Qazaqstan Respublikasy Ūlttyq Bankınıŋ ekınşı deŋgeidegı banktık nesie boiynşa bazalyq syiaqy mölşerlemesın jyldyq 4-5%-dan aspaityn tiımdı syiaqy mölşerlemesıne deiın tömendetu mäselesın köteru qajet. Monopolister tarifterınıŋ negızdılıgın – bırınşı kezekte energetika jäne temırjol kölıgı salasynda tolyq kölemde tekseru jürgızu kerek.
«Bız auyldyq jerlerde salyqtardy joiuǧa ūmtyludamyz, adamdardyŋ BJZQ şotyndaǧy qarajatyn özderı basqarǧanyn qalaimyz, medisinalyq saqtandyru naqty bır adamǧa bailanyp, ol kez-kelgen emhanada, qajettı uaqytta kömek ala alatyn boluy kerek, – dedı Berık Düisembinov.
«Aqjoldyqtar» jinalǧandardyŋ sūraqtaryna jauap berıp, sailauşylardyŋ ūsynystaryn nazarǧa aldy.
