Resei aimaqtarynda qazaq balalary ana tılın mındettı pän retınde oquǧa mümkındık aldy. Ol üşın Altai respublikasynyŋ Qosaǧaş mektebınıŋ ūstazdary arnaiy oqu-ädısteme äzırledı. Olar daiyndaǧan 1-4 synyptarǧa arnalǧan «Älıppe» men «Qazaq tılı»» oqulyqtary saraptamadan öttı, dep habarlaidy «Adyrna» tılşısı «Habar 24»-ke sılteme jasap.
Altaidaǧy Qosaǧaş auyly mektebınıŋ mūǧalımderı qazaq tılı pänı boiynşa bastauyş synyptarǧa arnalǧan oqu-ädıstemelık keşenderın 2021 jyly äzırledı. Olar barlyq deŋgeilerde saraptamadan ötıp, endı reseilık oqu baǧdarlamasyna resmi türde engızıldı.
«Eger de bız fakultativ turaly aityp otyrsaq, barǧysy kelgen balalar barady, sabaqqa barǧysy kelmeitın balalar barmaidy. Sondyqtan tıldı üirenbeidı. Al pän bolsa, balalar mındettı türde barady, sondyqtan tılderı damidy, ana tılınde erkın söileidı. Qazırgı künde ata analardyq qazaq tılıne dege qyzyǧuşylyǧy öte köp, sondyqtan balalaryn oqytuǧa tyrysady»,—deidı qazaq tılı mūǧalımı Batken Sarsenova.Omby qalasynyŋ 3 mektebınıŋ oquşylary ana tılın fakultativtı sabaq kezınde üirene alady. Al oblystyŋ 11 mektebı qazaq tılın mındettı pän retınde oqytady.
«Bızdıŋ jergılıktı Omby qazaqtaryn diaspora dep atauǧa bolmaidy, öitkenı olar – osy aumaqty ejelden mekendegen halyq. Bızdıŋ oblysta ūlttyq mädeniettı saqtau jäne nasihattau ısıne köp köŋıl bölınedı jäne jan-jaqty qoldau körsetıledı»,—dep tüsındırdı Omby oblysy Öŋırlık saiasat ministrlıgınıŋ sektor meŋgeruşısı Rustam Grasimchuk.Omby jäne Altai mūǧalımderı jaŋa oqulyqtar Reseidıŋ basqa da mektepterınde qoljetımdı bolyp, qazaq tılın oqytatyn bılım beru mekemeler jelısı keŋeiedı dep ümıttenedı.
