«Aq jol» demokratiialyq partiiasy Parlamenttık respublikaǧa köşudı jaqtaidy. Būl turaly Almatyda ötken partiia jaqtastarynyŋ mitingısınde Azat Peruaşev mälımdedı, dep habarlaidy “Adyrna” ūlttyq portaly akzol.kz-ke sılteme jasap.
«Bız Parlamenttık Respublikany jaqtaimyz. Bır adam, tıptı eŋ daryndy bolsa da, fizikalyq tūrǧydan syrtqy saiasat pen makroekonomikadan bastap jylu jüiesındegı apatqa deiıngı eldegı barlyq mäselelerge dendei almaidy. Prezident Toqaevtyŋ jylusyz qalǧan Rudnyi tūrǧyndarynyŋ jaǧdaiymen tanysyp qaitqany - onyŋ adamgerşılıgı men är adamnyŋ taǧdyry üşın jauapkerşılıgın körsetedı. Degenmen, būl jergılıktı jerdegı mäselelermen jergılıktı bilık ainalysu kerek degen qaǧidany odan beter bekıte tüsedı. Mūndaǧy baqylauşy funksiiasyn sailauşylardyŋ ökılı bolyp tabylatyn maslihat sekıldı ūjymdyq organ atqaruy qajet. Al, mūndai baqylau nätijelı boluy üşın «tejeu men tepe-teŋdık jüiesı» dep atalatyn atqaruşy jäne ökıldı bilık tarmaqtary arasynda balans boluy şart. Ortalyq deŋgeide de solai - ükımettıŋ qūzıretı parlamenttıŋ baqylau funksiialarymen teŋestırıluı kerek. Sol kezde būl jüie joǧarydan būiryq kütpei problemalarǧa der kezınde nazar audaryp, olardyŋ şeşıluın rettep, aǧymdaǧy rejimde jūmys ısteidı. Būl ozyq memleketter äldeqaşan bır ızge salǧan parlamentrizm jüiesı, demokratiia negızınde de däl sol jatyr - dep atap öttı «Aq jol» partiiasynyŋ töraǧasy.
Azat Peruaşev memleket basşysy 2022 jyldyŋ 16 nauryzynda konstitusiialyq reformany jariialaǧanda, osy tejeu men tepe-teŋdık turaly aitqanyn eske saldy. Al 1 qyrküiektegı joldauynda Q.Toqaevtyŋ «Konstitusiialyq reformanyŋ negızgı mazmūny parlamentarizm institutyn küşeitu men damytu» ekenın aitqan bolatyn. A. Peruaşev «Toqaev formulasy» dep ataǧan prezidenttıŋ belgılı tırkesın tılge tiek ettı: myqty prezident - yqpaldy parlament - esep beretın ükımet.
Parlamentarizm ülgısı bolyp europalyq, keŋırek aitsaq, batys saiasi modelı, sondyqtan «Aq jol» partiiasy damudyŋ europalyq jolyn, qoǧam men memleket arasyndaǧy qarym-qatynastaǧy europalyq täsılderdı, ömır sapasynyŋ europalyq standarttaryn jaqtaidy.
«Aq jol» dempartiiasynyŋ liderı parlamentarizmnıŋ basty kriteriı retınde ükımettı jasaqtaudy atady: ony sailauda jeŋıske jetken partiia jasaqtauy kerek. Sonda būl partiia öz Ükımetınıŋ jetıstıkterı men kemşılıkterıne de jauapty bolady.
