Syr eli Ulystyń Uly kúnin sán-saltanatpen qarsy aldy

2034
Adyrna.kz Telegram

Syr óńirinde Ulystyń Uly kúni áz-Naýryzda 300-ge jýyq merekelik is-shara uıymdastyrylady.

Kún men tún teńelip, jer men kókke jan bitken Naýryz merekesinde birqatar áleýmettik nysandarda erekshe sharalar ótkizilip, aımaq basshysynyń qatysýymen birneshe syrboıylyqtarǵa baspana kilti tabystalady. Bul týraly Óńirlik kommýnıkaııalar qyzmetinde ótken baspasóz konferenııasynda oblystyq qoǵamdyq damý basqarmasynyń basshysy Almasbek Esmahanov habarlady.

-Ulystyń Uly kúni – Naýryz meıramy irgesi sógilmes birliktiń, yrysy tógilmes tirliktiń merekesi, jurtshylyqtyń bir-birimen qýana qaýyshatyn sáti. Oblys kóleminde áz-Naýryzda uıymdastyrylatyn negizgi sharalar 21-22 naýryz aralyǵyn qamtıdy. Jalpy naýryz merekesiniń naqyshyn keltiretin qaıyrymdylyq sharasy da jyl saıyn dástúrli túrde uıymdastyrylyp otyrady. Osyǵan oraı, oblys ákiminiń qatysýymen «Aqmeshit-Syrdarııa» meshitinde «Qaıyrymdy ult» jalpyulttyq qaıyrymdylyq akııasy ótedi. Samarqannyń kók tasy erigen, barsha túrki halyqtary úshin qasıetti sanalatyn Ulystyń Uly kúni balalar úshin de úlken qýanysh. Aımaqtaǵy barlyq bilim berý uıymdarynda, joǵary jáne arnaýly orta oqý oryndarynda «Naýryz meıramy» uǵymynyń paıda bolýy, tarıhy boıynsha tanymdyq sabaqtar ótkiziledi. Budan bólek, oblystyq jastar resýrstyq ortalyǵynda sol jaǵalaý turǵyndaryna, onyń ishinde jas otbasylar men jetkinshekterge arnap «Tórlet jańa jylym – Naýryzym!» atty merekelik kesh uıymdastyrylady. Bul merekedegi taǵy bir qýanyshty jańalyq, qalanyń sol jaǵalaýynda 40 páterli kópqabatty turǵyn úıdiń kilti tabystalady, - dedi basqarma basshysy Almasbek Ábilqasymuly.

Sondaı aq, 84 páterli 7 qabatty turǵyn úı qurylysynyń irgetasy qalanady. Sonymen qatar, respýblıkalyq «Taza tabıǵat» akııasyn ótkizýde josparlanyp otyr. Munan ózge, merekege arnalǵan negizgi mádenı-kópshilik is-sharalar oblys kóleminde, ıaǵnı qala jáne aýdandardyń ortalyq alańdarynda ótedi. Ulystyń uly kúninde barlyq aýdanda naýryz kóje taratylyp, aýyldarda ulttyq sporttyq oıyn túrlerinen saıystar, oıyn-saýyq keshteri uıymdastyrylady. Jalpy alǵanda, aımaqtaǵy 146 kent jáne aýyldyq okrýgterde mereke aıasynda barlyǵy 300-ge jýyq mádenı-kópshilik sharalar ótkiziledi.

Al Syr eliniń bas qalasynda 100-ge jýyq merekelik shara uıymdastyrylady. Amal merekesinen bastap 22 naýryzǵa deıingi 6 kúnge jeke-jeke ataý berilip, ár kúnniń is-sharalar tizbegi bekitilgen.

-Ulystyń uly kúni Naýryz merekesi jáne Qyzylorda oblysynyń 85 jyldyq torqaly toıy qarsańynda 85 kópbalaly jáne az qamtylǵan balanyń tusaýkeser rásimi ótedi. Óner arbatyn boılaı ornalasqan jarty kıiz úı pishindi nysandardyń aınalasy taqyrypqa sáıkes bezendiriledi. Buǵan qosa, «Etno aýyl» salt-dástúrge negizdelgen arnaıy kórmeni tamashalaýmen jalǵasady. Munan ózge, 4 arnaıy shatyr tigilip, oblysymyzdyń qurylý kezeńinen búginge deıin syr shertetin kórme Syr eliniń keshegisi men búgingisine baǵyttalǵan. Odan keıin ortalyq alańnyń negizgi sahnasynda taqyryptyq prologpen bastalatyn konerttik baǵdarlamaǵa jalǵasady,- dedi Janmurat Seıilov.

Aıta keteıik, ortalyq alańdy aınaldyra 38 kıiz úı tigiledi. Alańnyń árbir núktesinde mereke ajaryn ashatyn mádenı, sporttyq sharalar uıymdastyrylyp, buqara halyq arasynda ulttyq sport túrlerinen jarystar ótkiziledi. Jarys jeńimpazdary men júldegerlerine madaqtama gramotalary, medaldar jáne syılyqtar tabystalady. Munan ózge, «Kóltaýysarlar saıysy» ıaǵnı qymyz ishýden jarys ótip, «Atameken» otbasylyq úlgidegi balalar aýylynan shyqqan jas juptyń betashar rásimi jasalady. Sonymen qatar, qolónershilerdiń arnaıy kıiz úıi tigilip, ulttyq buıymdar kórmesi usynylady.

"Adyrna" ulttyq portaly 

Pikirler