1,3 million qazaqstandyqtyŋ moinynda 17 mlrd teŋge salyqtyq qaryz bar.
Būl turaly qarjy ministrlıgınıŋ alqa mäjılısınde mälım boldy. Ministr Älihan Smaiylovtyŋ sözınşe, 2019 jyldyŋ 1 qaŋtaryndaǧy derek boiynşa 1,3 million adam 17 mlrd teŋge kölemındegı salyqtyq qaryzdy arqalap jür. Onyŋ 5 mlrd teŋgesı – ösımpūl.
«Osyǧan orai Salyq kodeksıne özgertuler engızıledı. Salyqtyq raqymşylyqty osy jyldyŋ soŋyna deiın ötkızu kerek. Amnistiia kölık, jer, mülık salyqtaryn qamtidy. Negızgı salyqtyq qaryzdy ötegen adamdardyŋ ösımpūly keşırıledı», – dep tolyqtyrdy sözın bas qarjyger.
Eske sala keteiık, biyl memleket basşysynyŋ tapsyrmasyna säikes, şaǧyn jäne orta biznes subektılerıne salyqtyq raqymşylyq jariialanǧan bolatyn. Būl baǧyttaǧy jūmystar 2019 jyldyŋ 1 qaŋtarynan bastap jüzege asyryluda.
«Salyqtyq raqymşylyqqa 90 myŋǧa juyq käsıpker ılıgedı. Bügınde 28,5 myŋ käsıpker 6 mlrd teŋge kölemındegı qaryzyn ötedı. Tiısınşe, olardyŋ 1,3 mlrd teŋge şamasyndaǧy ösımpūly men aiyppūly keşırıledı», – dedı Älihan Smaiylov.
Şaǧyn jäne orta biznes subektılerıne arnalǧan salyqtyq raqymşylyqqa 2018 jyldyŋ 1 qazanyna deiın jinaqtalǧan 358 mlrd teŋge kölemındegı qaryz jatqyzylǧan bolatyn. Qazaqstanda täuelsızdık alǧaly berı üş märte salyqtyq raqymşylyq jasalǧan. Alǧaşqy amnistiia 1997-1999 jyldary ötkızılse, ekınşı, üşınşı aksiialar säikesınşe, 2011 jäne 2015 jyldary ūiymdastyrylǧan. Salyqtyq raqymşylyqtyŋ nätijesınde biznes ökılderı qomaqty qaryzdan qūtylyp, käsıpterın qaita jandandyruǧa mümkındık aldy.
Farhat Ämırenov
