Voronej, Lipesk jäne Penza tūrǧyndary äskeri komissariattan şaqyru qaǧazyn alyp jatyr, dep jazady "Adyrna" ūlttyq portaly.
BBC News habarlauynşa, bilık būl aqparatty rastap otyr. Bıraq mūny Ukrainadaǧy soǧysqa jūmyldyrudyŋ ekınşı kezeŋıne daiyndyq belgısı dep sanamaudy sūrady.
14 nauryzda Voronej oblysynyŋ bilıgı oblystyq deŋgeidegı äskeri komissariatqa şaqyru qaǧazynyŋ jappai taratyluyn bırınşı bolyp rastady.
Särsenbı, 15 nauryzda tızım taǧy ekı aimaqpen - Lipesk jäne Penza oblystarymen tolyqty. Lipesk oblysy ükımetınıŋ telegram-kanaly mūny äskeri komissariattardyŋ mälımetter bazasyn sifrlandyrumen tüsındırdı.
Ötken jyldyŋ qyrküiegınde Resei prezidentı Vladimir Putin ışınara jūmyldyru turaly jariialady, onyŋ jeke mälımdemesıne säikes, oǧan 300 myŋǧa juyq adam kırdı.
Keiın Kreml bilıgı jappai mobilizasiia kezındegı sätsızdıkterdı moiyndap, rezervtegı azamattardy äskerge şaqyru jūmystary jürgızılmeidı dep sendırdı.
Qaraşa aiynyŋ soŋynda Putin Reseidıŋ Sifrlyq damu ministrlıgı men Federaldyq salyq qyzmetıne Qorǧanys ministrlıgınıŋ qatysuymen 2024 jyldyŋ 1 säuırıne deiın «äskeri esep qūjattaryn jaŋartu» üşın qajettı derektermen resurs qūrudy tapsyrdy.
«Baza 2023 jyldyŋ 1 säuırınen – köktemgı şaqyru bastalǧannan bastap ıske qosyluy tiıs. Barlyq äskeri komissariattar älı de esepke alynbaidy», - dedı qūqyq qorǧauşy Pavel Chikov Putinnıŋ Jarlyǧyna taldau jasap.Qazır oblys basşylyǧy osyǧan sılteme jasap otyr.
«Lipesk oblysynda, bükıl Reseidegıdei, äskeri komissariattar mälımetter bazasyn sifrlandyrady. Būl üşın aqparatty jaŋartu qajet. Sondyqtan jaqyn arada öŋırdıŋ bırqatar tūrǧyny äskeri komissariattan şaqyru qaǧazyn alady», - delıngen Lipesk oblysy Ükımetınıŋ habarlamasynda.
"Adyrna" ūlttyq portaly
