«Auyl» — sözdıŋ emes, naqty ıstıŋ partiiasy

«Auyl» partiiasy qoǧamdaǧy saiasi küşke ainaludy jäne auyldardy körkeitudı közdeidı. Būl turaly bügın «Habar» telearnasynda ötken pıkırsaiysta partiia töraǧasynyŋ orynbasary Jiguli Dairabaev mälımdedı. 

«Auyl partiiasy barlyq audan men qalada tūraqty jūmys ıstep jatyr. Atap aitqanda, 20 öŋırde filialdarymyz, 1200-den astam bastauyş partiia ūiymdarymyz bar. Respublika boiynşa müşelerımız 300 myŋnan astam. 237 partiialyq ärıptesımız barlyq deŋgeidegı mäslihat deputattary atanyp, taǧy 35 partiia müşesı auyl äkımderı bolyp sailandy. Būl halyqtyŋ senımın körsetedı. Sailaudaǧy nätijemızdıŋ odan da joǧary bolatynyna senımdımız. Partiianyŋ pozisiiasy aiqyn, ol – qoǧamdaǧy saiasi küşke ainalu. Parlament Mäjılısıne ötıp, elımızde ıs jüzınde ornyqqan bır partiialyq jüienı özgertu. «Auyl» partiiasynyŋ negızgı kursy – azyq-tülık qauıpsızdıgıne jäne damyǧan auyldyq aimaqtarǧa negızdelgen, halqynyŋ äl-auqaty joǧary quatty Qazaqstan qūru. «Auyl» partiiasy – sözdıŋ partiiasy emes, naqty ıstıŋ partiiasy», – dedı ol.

Sondai-aq pıkırsaiys barysynda Jiguli Dairabaev auyl şaruaşylyǧymen ainalysqysy keletın azamattar jersız qalmauy kerek ekenın basa aitty.

«Jer mäselesı, auyl şaruaşylyǧy mäselesı älı künge deiın kün tärtıbınen tüsken joq. Qazır auyldyq jerde jaiylym mäselesı uşyǧyp tūr, jer jetpeidı. Qarapaiym su tapşy. Kezınde auyl töŋıregındegı jerdı ielenıp alǧan azamattar bar. Auyl mäselesıne, jer mäselesıne barlyǧyŋyz atsalyssaŋyzdar, ony tärtıpke keltıruge bolady. Auyl şaruaşylyǧymen ainalysamyn deitın azamattar jersız qalmauy kerek. Mal baǧamyn, egın egemın dese, olarǧa mümkınşılık jasau kerek», – dedı kandidat.

Jiguli Dairabaev teledebatta «Auyl» partiiasy sailaualdy baǧdarlamasy aiasynda Qazaqstandy äleumettık-ekonomikalyq jaǧynan qalai damytatyny turaly aitty.

«Azyq-tülık – memleket qauıpsızdıgınıŋ basty mındetı. Auyl şaruaşylyǧy täuelsızdıktıŋ alǧaşqy jyldary eldıŋ jalpy ışkı önımınıŋ 30%-yn qūraityn, qazır osy körsetkış 5 paiyzdan aspaidy. Elımız azyq-tülık importyna täueldı. Mysaly, 2022 jyly syrttan 600 myŋ tonna süt, 170 myŋ tonna et önımderı äkelıngen. Al qūs etınıŋ 36%-y importtaimyz. Būl agrarlyq äleuetı bar el üşın ūiat. Bız şetelden azyq-tülık alyp, qanşama qarajattan qaǧylyp otyrmyz. Sol sebepten onyŋ baǧasy kün sanap qymbattap, halyqtyŋ narazylyǧyn tudyruda. Bız qolymyzdan keletındı jasai almai otyrmyz. Halqymyz bank jüiesınen de zardap şegude. Sebebı paiyzdyq üstemaqysy öte joǧary. Būl – aşyq tonau. Halyq qaryzǧa äbden batqan. Mūǧalımder bala oqytudan, därıgerler adam emdeuden qalyp barady. Barlyq jerde qaǧazbastylyq. Joǧarydan tüsken standarttar, protokoldar olardy soǧan mäjbürleude. Bız densaulyqty naryqqa ainaldyryp jıberdık. Basty bailyǧymyz – adam degen qūr sözge ainaldy. Jalpy, äleumettık salada mäsele öte köp. El qūrǧaq uädege toidy», – dep töraǧa orynbasary özektı mäselelerge toqtaldy.

Jiguli Dairabaevtyŋ aituynşa, «Auyl» partiiasy Mäjılıske barǧanda qandai şeşımderdı ūsynatynyn atap öttı.

«Bırınşıden, azyq-tülık turaly zaŋdy» halyqpen aqyldasyp qabyldau kerek. Ekınşıden, auyldyŋ infraqūrylymyn qalpyna keltıremız. Üşınşıden, 100% memlekettık kapitalmen Agrobank qūramyz. Törtınşıden, auyl şaruaşylyq tehnikasyn jaŋalap, azamattardy jūmyspen qamtu maqsatynda otandyq tehnikaǧa basymdyq beremız», – dedı kandidat.

Sonymen qatar pıkırsaiystyŋ ekınşı kezeŋınde Qazaqstan fermerler qauymdastyǧynyŋ basqarma töraǧasy Jiguli Dairabaev auyldyŋ äleuetın köteru üşın adami faktorlardy bırınşı orynǧa qoiu kerek ekenın atap öttı.

«Soŋǧy jyldary 1450 auyl kartadan joiylyp kettı. Ärbır auyldyŋ jaǧdaiyn köteru üşın, sanyna qaramai, adami faktordy bırınşı kezekke qoiyp, qyzmet etuımız kerek. «Auyl» partiiasynyŋ sailaualdy jospary oryndalsa, auyl körkeiedı. Franklin Ruzvelttıŋ bır sözın aitaiyn: «Eger fermer bügın ölse, erteŋ bärımız de ölemız». Memlekettı qalpyna keltıru üşın auyl şaruaşylyǧyn, auyl infraqūrylymyn qalpyna keltıru kerek. Sonda ǧana bız güldengen memleket bolamyz», – dep ol.

Debat barysynda Jiguli Dairabaev sailauşylarǧa ündeu tastap, 19 nauryzda «Auyl» partiiasyn qoldauǧa şaqyrdy.

«Auyl» partiiasy Mäjılıske kelgende eş keiınge şegermesten, mūnai-gazben qatar auyl şaruaşylyǧyn da negızgı sektor retınde aiqyndaimyz. Sol kezde baǧa arzandaidy, azyq-tülık qoljetımdı bolady, halqymyz toq jüredı. Eŋ bastysy, Astana, respublikalyq maŋyzy bar qalalar ǧana emes, öŋırler men auyldyq aimaqtar da damidy. Esterıŋızde bolsyn, auylda qūrylǧan bır jūmys orny – qaladaǧy segız adamǧa azyq. Sondyqtan būl mäselenı şeşu – memleketımız üşın strategiialyq maŋyzdy. Osylaişa, bız baquatty auyl, damyǧan qala men quatty memleket qalyptastyru jolynda jūmys ısteimız. 19 nauryz künı barşaŋyz sailauǧa kelıp, bızge dauys berıŋızder! Alǧa, Qazaqstan! Alǧa, «Auyl» partiiasy!», – dep qorytyndylady sözın kandidat.

Tapsyrys beruşı: «Auyl» HDPP; «Auyl» HDPP sailau qory qarajaty esebınen tölendı