Qazaqstandyq 57 oquşy ekı halyqaralyq olimpiadanyŋ jüldegerlerı atandy

Almaty qalasynda matematikadan Aziia-Tynyq mūhity jäne «Jıbek joly» halyqaralyq olimpiadalary öz märesıne jettı, dep habarlaidy «Adyrna» tılşısı Oqu-aǧartu ministrlıgıne sılteme jasap. «Daryn» respublikalyq ǧylymi-praktikalyq ortalyǧynyŋ habarlauynşa, ekı bırdei halyqaralyq bılım saiysyna Qazaqstannyŋ barlyq öŋırınen 157 oquşy qatysyp, 57 jüldeger anyqtaldy. «Būl halyqaralyq olimpiadalar qaşyqtyqtan ūiymdastyryldy. Qatysuşy elderdıŋ ūiymdastyru komitetterı tapsyrmalardyŋ şarttaryn jäne baǧalau kriteriilerın halyqaralyq ūiymdastyru komitetınen alyp, öz elderınde olimpiadalardy bır uaqytta derbes ötkızdı. Būl format köptegen oquşylardyŋ halyqaralyq jarystarǧa qatysyp, öz bılımderın synauǧa mümkındık berıp otyr»,– deidı «Daryn» RǦPO direktorynyŋ orynbasary Nūrlan Jūmageldı. Aita keteiık, Aziia-Tynyq mūhity halyqaralyq olimpiadasyna Argentina, Avstraliia, Kanada, Gonkong, İndoneziia, Japoniia, Qazaqstan, Koreia, Malaiziia, AQŞ, Türkiia, Meksika sekıldı 38 el qatysasa, «Jıbek joly» olimpiadasynda Ūly Jıbek joly boiynda ornalasqan elderdıŋ daryndy oquşylary synǧa tüstı.