Sailau uchaskelerınde osy saǧatta bırneşe zaŋ būzuşylyq tırkelgen. Būl turaly Baq.kz habarlady, dep jazady "Adyrna" ūlttyq portaly.
Bas prokuratura ökılı Azamat Sarǧazin onlain marafondaǧy brifing barysynda mälımdedı.
Sailau prosesınıŋ zaŋdylyǧyn joǧary qadaǧalau prokuratura organdarymen jalǧastyru jūmystary jürıp jatyr. Jürgızılgen monitoring nätijesı boiynşa sailau turaly zaŋnamany būzudyŋ 9 faktısı tırkelgen. Olar Almaty oblysyndaǧy Eŋbekşıqazaq, Jambyl, Raiymbek jäne Ūiǧyr audandaryndaǧy sailau uchaskelerınde, Jetısu oblysynda Qaratal jäne Kerbūlaq audandaryndaǧy uchaskelerınde, SQO-daǧy Aiyrtau jäne Jambyl audandaryndaǧy uchaskelerde oryn alǧan,- deidı Azamat Sarǧazin.Būl zaŋ būzuşylyqtar komissiia müşelerı tarapynan azamattarǧa basqa adamdar üşın dauys beruge mümkındık berıluımen bailanysty bolǧan. Atalǧan uchaskedegı barlyq komissiia müşelerı şettetıldı. Qazırgı uaqytta jergılıktı prokuratura äkımşılık jauapkerşılık boiynşa şaralar qoldanuda.
Ärbır sailauşy özı dauys beredı. Dauys beru qūqyǧyn basqa bıreuge beruge, sol siiaqty basqa adam üşın dauys beruge jol berılmeidı. Prokuratura organdaryna bügın tüsken ötınışterge keletın bolsaq dauys beru räsımı bastalǧaly berı yqtimal zaŋ būzuşylyqtar turaly tüsken 32 ötınış kelıp tüsken. Onyŋ 7-euı bas prokuraturaǧa joldanǧan. Tekskeru jūmystaryn jürgızu üşın jergılıktı prokurorlarǧa joldandy. Qalǧan 25-ı jergılıktı prokuraturaǧa kelıp tüsken. Elordada 4, Almatyda 2, Şymkentte 3, ŞQO 6, Türkıstan oblysynda 4, Soltüstık Qazaqstan oblysnyda 4, al Qaraǧandy men Pavlodar oblystarynda 1 ötınışten tüsken. Olardyŋ 5-euı boiynşa tüsındıru sipatyndaǧy jauaptar berıldı. 10 ötınış qūzyretı boiynşa ökılettı organdarǧa joldandy. Al qalǧan 10 ötınış qaraluda,-deidı prokuratura ökılı.
"Adyrna" ūlttyq portaly
