Azamattardyń saılaýǵa kelgeniniń ózi elimizdiń damýyna nemquraıly tanytpaǵanynyń belgisi. Mundaı pikirdi Prezıdenti Ákimshiligi basshysynyń orynbasary Aıda Balaeva aıtty, dep habarlaıdy "Adyrna" ulttyq portaly baq.kz-ke silteme jasap.
Aıda Balaeva Májilis jáne máslıhat depýtattyǵyna kandıdattardyń kezekten tys saılaýynda daýys berip, jýrnalısterdiń suraǵyna jaýap berdi.
Ár azamat ózgeristi ózinen bastaýy kerek. Azamattardyń saılaýǵa kelgeniniń ózi elimizdiń damýyna nemquraıly tanytpaǵanynyń belgisi. Májiliske bolsyn, máslıhatqa bolsyn ultjandy, belsendi, elimizdiń ne bolmasa belgili bir salanyń damýyna úles qosatyn azamattar kelip jatsa, onda ol memlekettik júıeniń oń ózgerisine yqpal etetini sózsiz. Sondyqtan qazir máslıhatta da, Májiliste de belsendi azamattardyń baryn kórip otyrmyz. Tipti Astana men Almatynyń ózinde 3 orynǵa 100-ge jýyq adamnan qatysyp, belsendilik tanytyp otyr, - dedi Balaeva.
Sózinshe, bul azamattar aldaǵy ýaqytta elimizdiń damýyna óz úlesterin qosady.
Saılaýǵa ártúrli salanyń azamattary qatysyp jatyr. Aralarynda blogerler de, kásipkerler de jáne taǵy basqa sala mamandary da bar. Ár adamnyń saılaýǵa jaýapkershilikpen qaraǵany mańyzdy. Qazir ózderińiz saılaýǵa qatysýshylardyń qanshalyqty belsendi ekenin kórip otyrsyzdar. Astananyń ózinde 4 bıýlleten salyp otyrmyz. Bul úmitkerlerdiń ishinen eń yqpaldylary, belsendileri ótip jatsa, oń ózgerister bolady dep oılaımyn. Buryn saıası partııalar týraly aýyldy jerlerde bile bermeıtinine qatysty syn aıtylatyn. Endi bul partııalar jergilikti jerlerdegi ókilderin saılaýǵa tartyp, ótýine yqpal jasap jatyr. Tek memlekettik qyzmette ǵana emes, qoǵamda, qoǵam ınstıtýttarynda ózgerister bolýy kerek. Qarar otyrsaq, reformalardyń barlyǵy saıası partııalardyń belsendiligin arttyryp otyr. Mysaly, 2019 jyldary ótken saılaýdy baqylaýǵa biren-sarań ǵana uıym qatyssa, al qazir baqylaýshy uıymdardyń sany óte úlken, - dep aıtty Aıda Balaeva.
Sonymen qatar Májilis pen máslıhattaǵy depýtattardyń durys saılanýyn qoldaıtyn azamattar da saılaýdyń ashyq, taza bolýyna ózderiniń yqpalyn tıgizip júr.
"Adyrna" ulttyq portaly
