«AMANAT»-tyŋ atynan deputattyqqa kandidattar jäne partiia belsendılerı su basqan üilerdıŋ tūrǧyndarymen kezdesıp, gumanitarlyq kömek körsetu üşın Batys Qazaqstan jäne Aqtöbe oblystaryna bardy. Būl turaly partiianyŋ Atqaruşy hatşysy Elnūr Beisenbaev Facebook paraqşasynda mälımdedı.
«Ötken aptada partiianyŋ respublikalyq ştabynyŋ müşelerı ügıt-nasihat nauqany kezınde osy oblystarǧa baryp, öŋırdegı su tasqynynyŋ saldaryn öz közımen kördı. «AMANAT» būl jaǧdaidy ünemı baqylauda ūstady. Sondyqtan dauys beru aiaqtala salysymen, partiialyqtar osy aimaqtarǧa qaita jol tartty. Amanattyqtar infraqūrylym nysandary men joldardyŋ jai-küiın tekseredı. Olar zardap şekkenderdıŋ barlyǧy keltırılgen zalal üşın ötemaqy alyp, aimaqtaǧy jaǧdaidy qalpyna keltıru üşın qajettı kömek turaly aqparat jinaidy», – delıngen habarlamada.
Elnūr Beisenbaev partiia baǧdarlamasynda elımızdegı infraqūrylymdy jaŋǧyrtu, qala men auyl tūrǧyndaryn mausymdyq su tasqynynan qorǧap, gidrotehnikalyq qūrylystar jüiesınde tärtıp ornatu közdelgenın atap öttı.
«Partiia özınıŋ sailaualdy baǧdarlamasyn ıske asyruǧa kırısıp kettı jäne bügınde asa özektı bolyp otyrǧan mäselenı tıkelei tötenşe jaǧdai oryn alǧan aimaqqa baryp şeşpek. Halyqty tolǧandyratyn mäselelerdı şeşu – «AMANAT» partiiasynyŋ bırınşı kezektegı mındetı. Bız ärdaiym halyqpen bırgemız!» – dep atap öttı partiianyŋ Atqaruşy hatşysy.
