"Jas deputattarǧa ülken jauapkerşılık jüktelgen". Būl turaly bügın «Jastar Ünı» jas kandidattardy qoldau blogynyŋ ökılderı esep beru baspasöz brifingınde mälımdedı, oǧan jurnalister Erqanat Köpjasarūly, Aqbope Täŋırbergen, Nūrsūltan Qūrman jäne jas deputat Däulet Mūqaev qatysty.
«Blok 20 aqpanda Almaty qalasynda qūryldy. Jastardyŋ Mäjılıs pen mäslihattardaǧy ökıldıgı 30% kvotany jabu üşın ǧana emes, jas kandidattarǧa qoldau körsetu ideiasy bızdı alǧa tartty. Bügıngı taŋda 100-den astam jastarǧa qoldau körsetıldı. Eŋ bastysy, bız olardy partiialar nemese salalar boiynşa bölmei, barlyq jügıngen kandidattarǧa kömektestık. Ärine, bızdıŋ auditoriiamyz bar bolǧandyqtan, negızınen äleumettık jelılerde aqparattyq qoldau körsetıldı. Jūmysymyzdyŋ maŋyzdy körsetkışterınıŋ bırı - jas kandidat, qoǧamdyq pıkır köşbasşysy Däulet Mūqaevtyŋ jeŋısı», - dep atap öttı jurnalist Erqanat Köpjasarūly.«Jastar Ünı» bastamaşylarynyŋ bırı Aqbope Täŋırbergen partiialyq tızımderde jas kandidattardyŋ ökıldıgı turaly statistikany keltırıp, bloktyŋ jūmysy jalǧasatynyn atap öttı:
«Keşe bız de barlyǧymen bırge alaŋdap, atqarylǧan jūmystyŋ körınısı bolady ma eken dep, nätijelerdı küttık. «Jastar Ünı» partiiaǧa qatystylyǧyna qaramastan ötınış bıldırgenderdıŋ barlyǧyna qoldau körsettı. Alaida, bız özımız üşın partiialyq tızımderde jas kandidattardyŋ ūsynyluy boiynşa statistika jasadyq. Mysaly, 19 adamnyŋ ışınen 1 jas kandidat Jalpyhalyqtyq sosial-demokratiialyq partiia tızımınde, «Aq jol» - 54 adamnyŋ 6 - sy, «Baitaq» - 18 - den 1-ı, «Respublika» - 25-ten 5-ı, «AMANAT» - 90-nan 17-sı, «Halyq partiiasy» 52-den 3-ın ūsyndy, «Auyl» partiiasy - 25-ten 9-y. Körsetkışter bar, endı bız būl jas ümıtkerlerdıŋ ekzit pulldyŋ soŋǧy nätijelerıne säikes tızımge engızıluı boiynşa baqylaimyz», - deidı ol.Sondai-aq, blok ökılderı qazırgı uaqytta qandai jūmys jürgızılıp jatqandyǧy turaly aityp berdı:
«Qazır bız hattamalardy tekserıp, partiialyq tızımderdıŋ jariialanuyn kütudemız. Jas deputattarǧa ülken jauapkerşılık jüktelgenın atap ötkım keledı, öitkenı olardy jas sailauşylar, qoǧamdyq pıkır köşbasşylary qoldaidy. Olar şynymen de Parlamentke jaŋaşyldyq äkeletınıne jäne zaŋ şyǧaruşy organdardy «oiata alatynyna» senımdımız», - deidı Nūrsūltan Qūrman.Aita keteiık, «Jastar Ünı» blogynyŋ bır ailyq qyzmetı kezeŋınde jas kandidattardy aqparattyq qoldau boiynşa jūmystar jürgızıldı. Mysaly, podkasttar tüsırıldı, blogtar şyqty, posttar jariialandy jäne taǧy basqalar. Bükıl el boiynşa 100-den astam adam qamtyldy.
"Adyrna" ūlttyq portaly
