Kollaj: NUR.KZ
Sotta İlias Kardyŋ tergeu barysynda jol apatynyŋ jai-japsaryn aitqan video körsetıldı. Sottaluşynyŋ sözıne qaraǧanda, ol Abai-Seifullin daŋǧyldarynyŋ qiylysyndaǧy baǧdarşamda qyzyl tüs janǧanǧa deiın ötıp ketuge äreket jasaǧan.
"Men ötıp ketemın dep oiladym, bıraq ülgermei qaldym. Ol (Mitsubishi Galant - jäbırlenuşınıŋ maşinasy) toqtap qalǧan avtobustyŋ ar jaǧynan şyǧa keldı. Solai soqtyǧystyq. Men ony körgen joqpyn. Sodan keiın maşinadan şyǧyp, oqiǧa ornyna jügırıp bardym. Audarylǧan maşina oŋ jaǧymen jatqan edı. Bız maşinany ornyna qoimaqşy boldyq.
Sol kezde äldekımder därıgerler kelmeiınşe, olarǧa tiıspeu kerektıgın aityp aiǧai saldy. Men eseŋgırep qalyp edım, sondyqtan ketıp qaldym. Seifullin daŋǧylymen kettım de, üilerdıŋ arasynda taŋǧy 8-ge deiın jürdım. Sosyn Masanchi köşesıne şyǧyp, "baraholka" jaqqa kettım. Sol jerde dosymdy kezdestırıp, sonymen boldym", - dedı İlias Kar tergeu kezınde tüsırılgen videoda.
Ol sondai-aq tergeu barysynda meiramhanadan karaokege deiın Gelandewagen-dı jürgızıp barǧanyn aitqan. Sot otyrysynda İlias Kar korporativtık keşte alkogol ışpegenın qaitalap aitty.
"Men auyrǧandyqtan soŋǧy alty jyldan berı alkogoldı ışımdık ışpeimın. Men su nemese kola ıştım. Şot şamamen 400 myŋ boldy", - dedı Kar sotta.
Sot barysynda ol karaokege deiın qalai jetkenı turaly taǧy aityp berdı. Bıraq onysy aldyŋǧy tüsınıkten alşaqtau boldy.
"Men meiramhanadan Grand Opera karaokesıne deiın taksimen jettım, al äielım men keibır qyzmetkerlerge "sau jürgızuşını" şaqyrttyq. Tergeu kezınde men mūny aitqan joqpyn. Öitkenı auyr qylmys jasadym, tergeuşınıŋ menıŋ qaida jäne qalai ketkenımdı bılgenı kerek dep oiladym. Bastysy, oqiǧaǧa sebepşımın", - dedı sottaluşy.
