Memleket basşysy Qasym-Jomart Toqaev Qazaqstan halqyn Nauryz meiramymen qūttyqtady, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
«Ardaqty aǧaiyn! Barşaŋyzdy Ūlystyŋ ūly künımen şyn jürekten qūttyqtaimyn! Äz-Nauryz – jaŋaru men jaŋǧyrudyŋ, bereke men bırlıktıŋ bastauy. Jyldyŋ būl mezgılı – kün men tün teŋelıp, jer jüzı qaita tüleitın şaq. Sondyqtan ata-babamyz ejelden şuaqty köktem merekesıne airyqşa män bergen, ony Ūlystyŋ ūly künı dep ūlyqtaǧan. Qoǧamdaǧy tatulyq pen kelısım dästürlerı ūltymyzdyŋ salt-sanasy men ädet-ǧūrpy tügel toǧysqan osy meiramnyŋ sipatyna sai keledı. Nauryz bügınde naǧyz halyqtyq merekege ainaldy. Būl künderı meiırımdılık, janaşyrlyq, jasampazdyq siiaqty qasietter erekşe därıpteledı. Sonyŋ arqasynda elımız bırlıgın bekemdep, tatu-tättı ömır sürıp jatyr. Halqymyz ärdaiym Nauryz meiramyn jaqsylyqtyŋ jarşysyna balaǧan. Qazaqstan damudyŋ jaŋa däuırıne qadam basty. Tübegeilı özgerıster qasterlı Otanymyzdy örkendetuge tyŋ serpın beredı dep senemın. Yntymaǧy jarasqan jūrtymyzdyŋ yrysy artyp, qolǧa alǧan igı bastamalarymyz oŋynan bolsyn, aǧaiyn! Äz-Nauryz är şaŋyraqqa şattyq pen quanyş äkelsın! Otbasylaryŋyzǧa amandyq, qūt-bereke tıleimın! Ūlys oŋ bolsyn! Aq mol bolsyn!», - delıngen qūttyqtauda.
"Adyrna" ūlttyq portaly
