Elımızdıŋ oŋtüstık bölıgınde jer dümpulerı jiıledı. 23 nauryz tünde Şymkent, Taraz jäne Türkıstan oblysynyŋ jergılıktı tūrǧyndary jer sılkınısın sezdı. Būl turaly Stan.kz habarlady, dep jazady "Adyrna" ūlttyq portaly.
Qūtqaruşylardyŋ jedel aqparaty boiynşa, jer sılkınısı 2-3 ballǧa teŋ. Jer asty dümpulerı Almaty uaqyty boiynşa 02:07-de tırkelgen. Zardap şekkender men qirandylar turaly aqparat bolǧan joq.
"Jer sılkınısınıŋ episentrı Almatydan oŋtüstık-batysqa qarai 740 şaqyrym jerde, Täjıkstan aumaǧynda ornalasqan. Magnitudasy – 6.5. 101 jäne 112 jelılerınde zardap şekkender men qiratular turaly aqparat tüsken joq", - dep habarlady Şymkent TJB.
Jergılıktı tūrǧyndar Şymkent qalasynyŋ ortalyǧynda da, qala syrtynda da dümpulerdı sezıp, köpşılıgı üiınen şyǧyp ketken.
Taǧy bır jer dümpuı taŋǧy 06:27-de Almatydan oŋtüstık-batysqa qarai 724 km jerde oryn aldy. Onyŋ magnitudasy – 4.4.
"Adyrna" ūlttyq portaly
