Müftiiat jurnalistıŋ jalǧan sözıne qatysty mälımdeme jasady, dep habarlaidy «Adyrna» BAQ.KZ-ke sılteme jasap.
Äleumettık jelıdegı Janat Baqyt degen jurnalistıŋ Alla taǧala turaly aitqan auyr sözderı mūsylmandar arasynda tüsınıspeuşılık tudyrdy. Osy oraida Qazaqstan mūsylmandary dıni basqarmasyna är öŋırden türlı pıkır, narazylyq bıldırgen hattar kelıp jatyr, -dedı QMBD töraǧasynyŋ orynbasary, naib müfti Erşat Oŋǧar.Naib müfti şariǧatta Allanyŋ atynan jalǧan söileu, öte auyr künä ekenın aitty.
Alla taǧala qasiettı Qūrannyŋ Än'am süresınıŋ 144-aiatynda «Adamdardy nadandyqpen adastyru üşın Allanyŋ atynan jalǧandy jalpaǧynan basatyn pendeden ötken zalym bar ma?» dep baiandaǧan. Alla saqtasyn, Qūdai atynan jalǧan söileuden auyr ıs joq. Äsırese, Ramazan aiynda osyndai keleŋsız sözdı aitu men üşın de auyr, - dedı ol.Erşat Oŋǧar halyq tarapynan sūraq jiı qoiylyp, narazylyq bıldırıp jatqannan keiın müftiiat atynan resmi mälımdeme jasauǧa mäjbür bolyp otyrǧanyn aitty.
Häkım Abai «Alla taǧala - ölşeusız, bızdıŋ aqylymyz - ölşeulı. Ölşeulımen ölşeusızdı bıluge bolmaidy» dep aitqan. Osy rette barşa mūsylman qauymyn, barşa otandasymyzdy jurnalist Janat Baqyttyŋ sözıne erıp, dästürlı senımımızge selkek tüsırıp, el ışınde arandatuşylyq tudyrudan saq boluǧa şaqyramyz. Qasiettı Ramazan aiynda mūndai auyr söz aityp, el ışınde narazylyq tudyryp aludan saq bolaiyq. Tūtqan oraza qabyl bolsyn. Elımız aman, jūrtymyz tynyş bolsyn. Alla taǧala täuelsızdıgımızdı baiandy etsın, - dedı Erşat Oŋǧar. https://m.youtube.com/watch?v=7ZyRKLEaS5k
