Sarapshylar úzdik elderdi anyqtaý úshin turǵyndardyń satyp alý qabilettiligin, qaýipsizdik kórsetkishterin, densaýlyq saqtaý deńgeıin, ómir súrý baǵasyn, jyljymaıtyn múlik baǵasyn, jolǵa ketetin ortasha ýaqytyn, lastaný deńgeıi men klımatty zerttedi.
Ómir súrý sapasy reıtıngindegi alǵashqy úsh oryndy Danııa, Shveıarııa jáne Fınlıandııa ıelendi. Sondaı-aq úzdik ondyqqa Avstralııa, Avstrııa, Nıderlandy, Islandııa, Germanııa, Jańa Zelandııa, Norvegııa endi. Japonııa men AQSh úzdik ondyqtan tys qalyp, sáıkesinshe 12-shi jáne 13-shi oryndarǵa jaıǵasty. Sońǵy 71-oryn Mysyrǵa «buıyrdy».
Lıtva 29-shy, Latvııa 34-shi orynnan kórinse, Estonııa Japonııa men AQSh-ty basyp ozyp, 11-oryn aldy. Belarýs 2019 jyldyń reıtınginde 37-shi, Reseı 59-shy, Ýkraına 62-shi oryndy ıelenipti. Qazaqstan 69-oryndy ıelenip, sońynan sanaǵanda «úzdik» úshtikke engen.
Aıta keteıik, memleket basshysy Nursultan Nazarbaev taıaýda «Qazaqstannyń 100 jańa esimi» jobasynyń kezekti jeńimpazdarymen kezdesýde: «Qazirgi ýaqyttaǵy basqa jurt jeletin bolsa, biz shabýymyz kerek. Sebebi biz qalyp qalǵan elmiz. Ol bizdiń kemshilik emes. Tarıh, taǵdyr bizdi solaı etti», – degen edi.
Buǵan deıin Global Finance jýrnaly álemdegi qaýipsiz elderdi ataǵan bolatyn. Ol kezde Qazaqstan ózge TMD elderin basyp ozyp, reıtıngte 44-shi oryn aldy.
