Sarapşylar üzdık elderdı anyqtau üşın tūrǧyndardyŋ satyp alu qabılettılıgın, qauıpsızdık körsetkışterın, densaulyq saqtau deŋgeiın, ömır süru baǧasyn, jyljymaityn mülık baǧasyn, jolǧa ketetın ortaşa uaqytyn, lastanu deŋgeiı men klimatty zerttedı. Ömır süru sapasy reitingındegı alǧaşqy üş oryndy Daniia, Şveisariia jäne Finliandiia ielendı. Sondai-aq üzdık ondyqqa Avstraliia, Avstriia, Niderlandy, İslandiia, Germaniia, Jaŋa Zelandiia, Norvegiia endı. Japoniia men AQŞ üzdık ondyqtan tys qalyp,  säikesınşe 12-şı jäne 13-şı oryndarǧa jaiǧasty. Soŋǧy 71-oryn Mysyrǧa «būiyrdy». Litva 29-şy, Latviia 34-şı orynnan körınse, Estoniia Japoniia men AQŞ-ty basyp ozyp, 11-oryn aldy. Belarus 2019 jyldyŋ reitingınde 37-şı, Resei 59-şy, Ukraina 62-şı oryndy ielenıptı. Qazaqstan 69-oryndy ielenıp, soŋynan sanaǧanda «üzdık» üştıkke engen. Aita keteiık, memleket basşysy Nūrsūltan Nazarbaev taiauda «Qazaqstannyŋ 100 jaŋa esımı» jobasynyŋ kezektı jeŋımpazdarymen kezdesude: «Qazırgı uaqyttaǧy basqa jūrt jeletın bolsa, bız şabuymyz kerek. Sebebı bız qalyp qalǧan elmız. Ol bızdıŋ kemşılık emes. Tarih, taǧdyr bızdı solai ettı», – degen edı. Būǧan deiın Global Finance jurnaly älemdegı qauıpsız elderdı ataǧan bolatyn. Ol kezde Qazaqstan özge TMD elderın basyp ozyp, reitingte 44-şı oryn aldy.