NIS quramasy besinshi ret elimizdiń eń úzdik olımpıadalyq komandasy dep tanyldy

2053
Adyrna.kz Telegram

Jaratylystaný-matematıkalyq baǵyttaǵy pánder boıynsha respýblıkalyq olımpıadada Nazarbaev Zııatkerlik mektepteri qatarynan besinshi ret elimizdiń úzdik olımpıadalyq komandasy dep tanyldy.

Jas matematıkter, ınformatıkter, fızıkter, hımıkter jáne geograftar jeke jáne komandalyq esepte jetken jetistikterimen NIS-tiń joǵary standarttaryn qaıta rastady. Zııatkerlik mektepterdiń medaldyq qorjyny 60-tan astam túrli dárejedegi nagradamen tolyqty, olardyń úshten biri – altyn. NIS ókilderiniń barlyǵy derlik qurmet tuǵyrynan kórindi.

Elimizdiń úzdik fızıgi ataǵyn Almatydaǵy fızıka-matematıka baǵytyndaǵy Zııatkerlik mektep oqýshysy Ersultan Pitebaı aldy. Jaqynda ǵana Ersultandy búkil el qazirgi tańda bedeldi joǵary oqý oryndarynyń álemdik reıtınginde kósh bastap turǵan Massachýsets tehnologııalyq ınstıtýtynyń shaqyrtýy jáne grant ıelenýimen quttyqtady.

Olımpıadanyń kúmis júldegeri, 2023 jylǵy túlekterdiń juldyzdy komandasy múshesi Almıra Nurlanova da MIT-diń grantyn ıelendi.

Ótken jyly geografııa páninen halyqaralyq IGeO olımpıadasynyń jeńisti marafonyn jalǵastyrǵan Sanjar Hamıtov Aqtóbe qalasyndaǵy NIS-ti kezekti altyn medalimen qýantýda.

Birinshi oryn ıelengen Zııatkerlik mektepter ókilderiniń qatarynda semeılik Muhammadırıf Sahmoldın, NIS halyqaralyq bakalavrıattan Aıda Davletova, elordadaǵy fızıka-matematıka baǵytyndaǵy NIS oqýshysy Sanjar Bısenáli bar, olar halyqaralyq bedeldi olımpıadalarda el abyroıyn asqaqtatyp keledi.

Eń kóp medaldi Almatydaǵy fızıka-matematıka baǵytyndaǵy Zııatkerlik mektep men Pavlodardaǵy NIS oqýshylary enshiledi.

Zııatkerlik mektepterdiń respýblıkalyq olımpıadadaǵy jańa jarqyn jeńisi NIS-tiń akademııalyq jetistikteriniń qısyndy jalǵasyna aınaldy.

 

Pikirler