Ūlttyq qauıpsızdık komitetı esırtkı kontrabandasyna qatysy bar halyqaralyq esırtkı sindikatynyŋ jolyn kestı, dep habarlaidy «Adyrna» tılşısı.
Jedel tekseru barysynda şeteldık azamattardyŋ Qazaqstan aumaǧyna teŋız jolymen opiattar men basqa da tyiym salynǧan zattardy jetkızudıŋ tūraqty arnasyn ūiymdastyruǧa qatysy bary belgılı boldy.
«Kaspii su ailaǧy arqyly esırtkını tasymaldau baǧdarlary men täsılderın egjei-tegjeilı aiqyndaldy. Esırtkı tobynyŋ müşelerı olardy anyqtauda qiyndyq tudyrǧan qazırgı zamanǧy sputniktık navigasiia qūraldarymen jäne GPS-pen jabdyqtalǧan şaǧyn jyldam jüretın kemelerdı paidalanǧan»,—dedı ŪQK-nyŋ baspasöz qyzmetı.26 nauryzda Maŋǧystau oblysynda operasiianyŋ aiaqtalu kezeŋınde ŪQK men «A» arnaiy bölımşesınıŋ qyzmetkerlerı esırtkı arnasyn ūiymdastyruşyny jäne onyŋ üş kömekşısın ūstady.
«Kontrabandaşylardyŋ su kölıgın tekseru kezınde 30 kg-dan astam apiyn jäne 10 qaptama «metadon» psihotroptyq zaty tabyldy. Osy ıs boiynşa material STBT-da tırkeldı, tergeu ıs-şaralary prokuratura organdarymen özara ıs-qimylda jürgızılıp jatyr»,—dep tolyqtyrdy komitet. https://youtu.be/rur0kEh6Ff4
