Qazaqstandyq jeńil atlet Olga Rypakovanyń kúıeýi Denıs Rypakov Shyǵys Qazaqstan oblysy máslıhatynyń tóraǵasy bolyp saılandy, dep habarlaıdy «Adyrna» tilshisi.
Segizinshi shaqyrylǵan Shyǵys Qazaqstan oblystyq máslıhatynyń I sessııasy 30 naýryz kúni ótti.
«Oblystyq saılaý komıssııasynyń tóraǵasy E.Nábıev qatysýshylardy oblystyq máslıhat depýtattaryn saılaý qorytyndylarymen tanystyryp, depýtattarǵa depýtattyq kýálikter men tósbelgilerdi tabys etti.
Sessııa barysynda depýtattar máslıhat tóraǵasy etip Denıs Sergeevıch Rypakovty saılady, turaqty komıssııalardyń quramyn jáne olardyń tóraǵalaryn saılady»,—delingen habarlamada.
Denıs Sergeevıch Rypakov 1980 jylǵy 20 tamyzda Almaty qalasynda týǵan.
Mamandyǵy boıynsha dene shynyqtyrý muǵalimi, 2001 jyly Qazaq memlekettik sport jáne týrızm akademııasynyń dene shynyqtyrý ınstıtýtyn aıaqtaǵan.
«Qazaqstan Respýblıkasynyń jeńil atletıka boıynsha sport sheberi», «Qazaqstan Respýblıkasynyń jeńil atletıka boıynsha eńbek sińirgen jattyqtyrýshysy» qurmetti ataqtaryn ıelengen.
