Taldyqorǵan qalasyndaǵy Nazarbaev Zııatkerlik mektebiniń 12-synyp oqýshysy Sanjar Turǵanbek Ońtústik Koreıadaǵy KAIST-te oqýǵa grant utyp aldy.
Oqýdaǵy joǵary jetistikteri, kóshbasshylyq qasıetteri, úlken jumys qabileti Sanjardyń josparyn júzege asyrýǵa múmkindik berdi. Óıtkeni, Koreıanyń eń tanymal ýnıversıtetteriniń birine túsý kezdeısoqtyq emes.
Koreıanyń ozyq tehnologııalar ınstıtýty bilim berýdiń joǵary standarttarymen áıgili elıtalyq zertteý ýnıversıtetteri tobyna kiredi.
Sanjar ınformatıka fakýltetinde bakalavrıatta oqýdy josparlap otyr.
Meni árqashan aqparattyq tehnologııanyń jumyss qyzyqtyrady. Segizinshi synyptan bastap ınformatıkadan olımpıadalyq rezervtiń múshesi bolyp tabylamyn. Osy kúnge deıin ártúrli kompıýterlik baǵdarlamalardy oqyp, zerttep kelemin jáne KAIST ýnıversıteti meniń qoıǵan maqsattaryma sáıkes. Ol jerde jaqsy zertteý múmkindikteri, bolashaqta tájirıbeden ótýge shans bar», - deıdi bolashaq stýdent.
Sanjar – bolashaq IT-maman, bedeldi halyqaralyq Jáýtikov olımpıadasynyń júldegeri, ınformatıkadan birqatar respýblıkalyq olımpıadalardyń jeńimpazy, Massachýsets tehnologııalyq ınstıtýtynyń jazǵy mektebiniń qatysýshysy. Ataqty MIT ınstıtýtynyń zerthanasynda Sanjar InferenceQL programmalaý tilin zerttedi.
Múmkin emes eshteńe joq, úlken arman men maqsattyń arqasynda aýqymdy jobalardy júzege asyrýǵa bolady. Bári oıdaǵydaı bolady dep úmittenemin», — dep suhbatyn Taldyqorǵan qalasyndaǵy NIS 12-synyp oqýshysy, KAIST grantynyń ıegeri Sanjar Turǵanbek túıindedi.
