Soŋǧy uaqytta qarjy alaiaqtyǧynyŋ jaŋa türı paida boldy. Osyǧan orai, bank qyzmetkerlerı men bailanys operatorlary alaiaqtyqtyŋ jaŋa türınen saq boluǧa şaqyrady.
Bank qyzmetkerlerınıŋ aituynşa, alaiaq qazaqstandyq nemese şeteldık nömırden qoŋyrau şalyp, özın bank qyzmetkerı retınde tanystyrady. Ol telefon bailanysy qorǧalmaǧanyn aityp, WhatsApp nemese basqa messendjer arqyly söilesudı ūsynady.
Chatta alaiaq bank qyzmetkerınıŋ qoldan jasalǧan kuälıgınıŋ fotosyn jıberıp, qarajatyŋyzdy bıreulerdıŋ ūrlauǧa tyrysyp jatqanyna sendırıp, ony «qauıpsız şotqa» audaruǧa köndıredı. Būdan keiın aqşany alyp, ız jasyrady.
“Bız qazaqstandyq bankterdıŋ qyzmetkerlerı telefon arqyly söilesu kezınde qarajatty eşqaşan basqa şotqa audarudy ūsynbaitynyn, qūpiiasözder men kodtardy sūramaitynyn resmi türde mälımdeimız. Qazaqstandyq bankterdıŋ qyzmetkerlerı klientterıne eşqaşan şeteldık nömırden qoŋyrau şalmaidy”,- deidı bank qyzmetkerlerı.
Jaŋa alaiaqtyq shemasy qalai paida boldy?
Ädette alaiaqtar şetelde otyrady. Būryn arnaiy internet-servisterdıŋ kömegımen şeteldık nömırlerın qazaqstandyq nömır siiaqty körsete alatyn. Alaida qazaqstandyq bailanys operatorlary
Sonymen qata, qasköiler būǧan deiın belgılı bolǧan alaiaqtyq türlerın de qoldanudy jalǧastyruda.
Alaiaqqa aldanbas üşın ne ısteu kerek?
1. Söilesudı bırden toqtatyŋyz (Özıŋız qyzmetın tūtynatyn banktıŋ koll-ortalyǧyna qoŋyrau şalyp, küdıktı qoŋyrau turaly habarlap, şottaryŋyzdyŋ tūtastyǧyna köz jetkızuge bolady);
2. SMS habarlama arqyly kelgen qūpiia kodtardy, internet-banktegı jeke kabinetıŋızdegı qūpiiasözdı eşqaşan, eşkımge aitpaŋyz;
3. Qoŋyrau şalǧandardyŋ ötınışımen basqa şottarǧa qarajatyŋyzdy audarmaŋyz;
4. Olardyŋ nūsqauymen bögde mobildı qosymşalardy jüktep almaŋyz;
5. Tanys emes adamar jıbergen sıltemelerdı aşpaŋyz.
Būl qarjylai qauıpsızdıktıŋ qarapaiym erejelerı ǧana, alaiaqtardan saqtanyp, qarajatyŋyzdan aiyrylyp qalmauǧa mümkındık beredı.