Bul týraly Darhan Qydyráli óziniń Facebook jelidegi paraqshasynda jazdy, dep habarlaıdy "Adyrna" ulttyq portaly.
"Búgin «Netflix» kompanııasynyń Eýropa, Taıaý Shyǵys jáne Afrıka óńirleriniń úkimetterimen ózara is-qımyl jónindegi dırektory Aleksandr Longpen kezdestim. Kezdesý barysynda birlesken ortaq jobalar jasaý máselelerin talqylap, ózara oı-pikir almastyq. Jalpy kompanııanyń zor áleýetin eskere otyryp, seriktestik ornatýǵa múddeli ekenimizdi jetkizdim. Aldaǵy ýaqytta qazaqstandyq ónimderdi Netflix platformasynda ornalastyrýǵa nıettimiz. Aleksandr Long myrzaǵa sońǵy jyldary sapasy artyp, deńgeıi ósken otandyq serıaldar óndirisi týraly aıtyp berdim. Ózderińizge belgili, qazirde elimizde túsirilgen serıaldar men otandyq kontentterge suranys artyp, alys-jaqyn shet elderge satyla bastady. Biz mınıstrlik tarapynan serıaldarymyzdy halyqaralyq deńgeıge shyǵarý maqsatyndaǵy jumystardy jalǵastyra beremiz", - dedi ol.
