Būl turaly Memleket Basşysy Qasym-Jomart Toqaev Ǧylym jäne tehnologiialar jönındegı ūlttyq keŋestıŋ otyrysynda aitty, dep habarlaidy "Adyrna" ūlttyq portaly.
Prezident öz sözınde latyn älıpbiıne köşu jaily oiymen bölıstı.
«Taǧy bır öte maŋyzdy mäsele. Būl qazaq tılınıŋ latyn älıpbiıne köşuıne qatysty. Būl mäsele bükıl qoǧamnyŋ yqylasyn tudyrǧany belgılı. Men būryn būl mäsele boiynşa talai ret aittym: bız, eŋ aldymen, osy sättı paidalana otyryp, qazaq tılıne reforma jasauymyz kerek. Mäsele kirill älıpbiınen latyn älıpbiıne mehanikalyq türde köşude emes. Bız latyn älıpbiıne tez arada köşuımız kerek dep, köptegen öreskel qate jıberdık. Mysaly, latyn qarpımen jazylǧan bilbordtarǧa qaraŋyzdar! Būl – qazaq tılı emes, tılımızdıŋ tabiǧatyna jat, būrmalanǧan mätınder. Sondyqtan būl jūmysty Ǧylym akademiiasynyŋ basşylyǧymen asyǧystyqqa jol bermei, jan-jaqty oilastyra otyryp, jalǧastyru kerek. Taǧy da qatelesuge qūqymyz joq. Bır mysal keltıreiın. Men būl mäsele boiynşa Qūryltai otyrysynda aittym. Kirillisada köptegen sözde «y» degen ärıp bar. Mysaly, «yrymşyl» degen sözde üş «y». Bız ony avtomatty türde «u» dep jazatyn boldyq. Sonda «yrymşyl» degen sözdı latyn älıpbiınde jazatyn bolsaq, üş igrek bolady. Būl qazaq tılı me? Ony kım oqi alady? Aqyrynda, tılımız kirill älıpbiımen de, tıptı, latyn älıpbiımen de jaǧymsyz körınetın boldy. Osyndai mysaldar az emes. Sondyqtan ǧalymdarymyz basqa elderdıŋ ozyq täjıribesın mūqiiat zerttep, ūtymdy tūstaryn paidalanuy kerek», - dedı Memleket basşysy.
