Tıl saiasatyn damytudyŋ 2023-2029 jyldarǧa arnalǧan tūjyrymdasy äzırlendı

Tıl saiasaty komitetı “Qazaqstan Respublikasynda tıl saiasatyn damytudyŋ 2023-2029 jyldarǧa arnalǧan tūjyrymdasyn bekıtu turaly” Ükımet qaulysynyŋ jobasyn daiyndady, dep habarlaidy “Adyrna” ūlttyq portaly. Qūjat memlekettık tıldı qoǧamnyŋ barlyq salasynda qoldanu aiasyn keŋeituge jäne onyŋ märtebesın arttyruǧa tıkelei yqpal etedı dep körsetılgen. Tūjyrymdamanyŋ maqsatyna qol jetkızu şeŋberınde 13 negızgı nysanaly indikator jäne 5 kütıletın nätije aiqyndalǧan. 2029 jylǧa qarai kütıletın negızgı nätijeler:

1. 84% – respublika boiynşa qazaq tılınde söileitın tūrǧyndardyŋ ülesı;
2. 32% – üş tılde söileitın tūrǧyndardyŋ ülesı;
3. 15% – jaŋa älıpbi men emle erejesın oqytu  kursymen qamtylǧan tūrǧyndar ülesı;
4. 94% – ortalyq memlekettık jäne jergılıktı atqaruşy organdardyŋ memlekettık tılde ıs jürgızu ülesı;
5. 40% – qazaq tılınıŋ latyngrafikaly älıpbiınıŋ emle erejesıne negızdelgen terminologiialyq qordyŋ ülesı (ösu qorytyndysymen).

Tūjyrymdama 6 bölımnen jäne ıs-qimyl josparynan tūrady. Qūjatta qazaq älıpbiın latyn grafikasyna köşıru jūmystary qazaq älıpbiı men emle erejesı tiıstı normativtık qūjattarmen bekıtılgennen keiın kezeŋ-kezeŋımen ıske asyrylatyny jazylǧan.

“Qazaq älıpbiın latyn grafikasyna köşıru mäselesınde kelesı problemalar bar: - qazaq älıpbiı men emle erejelerı tiıstı normativtık qūjattarmen bekıtılmedı; - keibır ǧalymdardyŋ, qoǧam müşelerınıŋ älıpbi qūramyndaǧy keibır taŋbalarǧa bailanysty pıkır alşaqtyǧy bar; - qoǧamnyŋ tıldık ärkelkılıgıne bailanysty latyn älıpbiın engızu ūzaq merzımge sozyluy mümkın; - latyn älıpbiın engızu töŋıregınde BAQ-ta ony qabyldaudyŋ jaǧymsyz tūstary jönınde subektivtı pıkırler köp”, - delıngen tūjyrymdamada.

Tūjyrymdamany talqylau 25 säuırge deiın jalǧasady.