Tańerteń 9.00-den qala ákimdigine kelgen elýden asa kóp balaly ana qala ákimdiginiń qyzmetkerleriniń bergen jaýabyna qanaǵattanbaı, qala ákiminiń qabyldaýyn talap ete bastady. Kóp balaly analardyń keıbiri balalaryn erte kelgen.

Ákimdik dálizinde turǵan olar ákimniń syrtqa shyǵyp, ózderimen kezdesýin surap aıqaılady. On shaqty kóp balaly ana ishke kire almaı tur.

Kelgenderdiń biri Karıma Haıdarbekovanyń aıtýynsha, alpys shaqty ana ákimdikke kelip, ákimmen beıbit túrde kezdesip, sóılespek bolǵan. "Baspana, múgedek balasy bar kóp balaly analardyń jaıy sııaqty birneshe máseleni aıtpaq edik" dedi ol.

Kóp balaly ananyń aıtýynsha, 16 aqpanda qala ákimdiginiń qyzmetkerleri kóp balaly analardyń aryzyn qabyldap alǵanymen, esh nátıje bolmaǵan. Ákimdikke kelgen analardyń keıbirimen qala ákiminiń orynbasary Nursadyq Ergeshbek kezdesip, aryzdaryn kezekpen jazbasha túrde qabyldap alǵan.

Jınalǵandardy polıııa kúzetip tur.

"Azattyq" radıosy