Qasym-Jomart Toqaev Ükımettıŋ keŋeitılgen keŋesınde «sudyŋ da, sūrauy bar» ekenın eske saldy, dep habarlaidy "Adyrna" ūlttyq portaly.
«Damyǧan elderdıŋ tūrǧyndary är närsenıŋ qadırın bıledı. Ünemşıldık olardyŋ ömır saltyna ainalǧan. Tıptı, su men jyludy ysyrap etpeudı balalarǧa jastaiynan üiretedı. Bızdıŋ azamattarymyz da osyndai ünemşıl boluy kerek. Äsırese, sudy ünemdep tūtynuymyz kerek. Men su tapşylyǧynyŋ artyp jatqanyn ūdaiy aityp jürmın. Sarapşylardyŋ paiymdauynşa, 2040 jylǧa qarai suǧa degen sūranys 50 paiyzǧa artady. Qazaqstan 2050 jylǧa qarai «suǧa öte mūqtaj» elderdıŋ sanatyna kıruı mümkın. Qazır elımızde 600 myŋnan astam adam taza auyzsuǧa zäru. Būl – auyldaǧy aǧaiyn ǧana emes, qala halqy üşın de öte özektı mäsele. Irı şaharlardyŋ infraqūrylymy jyldan-jylǧa artyp kele jatqan sūranysqa jauap bere almai otyr. Tıptı, Astananyŋ özınde su tapşylyǧy qatty sezıle bastady. Basty sebeptıŋ bırı – qūrylystyŋ köbeiuı. Ünemşıl bolmasaq, taza su beretın jaŋa nysandardy ıske qosqanmen, tapşylyqty joia almaimyz», - dedı Memleket basşysy.
