Jaily mektep: Biyl Qyzylorda oblysynda 10 mekteptıŋ qūrylysy bastalady

Memleket basşysy Q.K. Toqaevtyŋ bastamasymen elımızde 2025 jylǧa deiın 800 myŋ balanyŋ zamanaui mektepte bılım aluyna jaǧdai jasau maqsatynda «Jaily mektep» ūlttyq jobasy qolǧa alynǧan bolatyn. Oblys äkımı Nūrlybek Nälıbaevtyŋ ūsynysy negızınde aldaǧy 3 jylda Qyzylorda oblysynda 15100 orynǧa arnalǧan zamanaui 21 mektep salynady dep josparlanuda. Jobanyŋ jalpy qūny – 100 mlrd. teŋge. Atap aitqanda: Qyzylordada - 8, Aralda - 4, Qazalyda - 2, Qarmaqşyda - 2, Jalaǧaşta - 1, Syrdariiada - 1, Şielıde – 1 jäne​ Jaŋaqorǧan audanynda zamanaui 2 mektep boi köteredı.

Oblystyq bılım basqarmasynyŋ basşysy joba aiasynda biyl öŋırde 10 mekteptıŋ qūrylysy bastalatynyn aityp, olardyŋ özge mektepterden aiyrmaşylyǧyn söz ettı. «Mamyr-mausym aiynda 10 mekteptıŋ qūrylysyn bastaimyz. Bügınde barlyǧynyŋ jerı räsımdeldı. Smetalyq qūjattary daiyndaldy. Jalpy erekşelıgıne kelsek, bastauyş jäne joǧary synyp oquşylary mektep ǧimaratynyŋ jekelegen bloktarynda oqityn bolady. Säikesınşe, olardyŋ öz oqu kabinetterı, äjethanalary, sportzaldary bolady. Sondai-aq beinebaqylau, dybystyq dabyl siiaqty qauıpsızdık nysandary ornatylady, zamanaui fizika, himiia, biologiia, robototehnika siiaqty kabinettermen qamtamasyz etıledı. Arnaiy bılımdı qajet etetın balalar üşın qajettı jaǧdai jasalady», - dedı M. Şermaǧanbet.

Jalpy, 2023 jylǧa bılım salasyna 260 mlrd. teŋgege juyq qarjy bölınıp otyr. Aldaǧy 3 jylda oblystaǧy üş auysymdy jäne apatty mektepterdıŋ jaǧdaiy tolyq şeşıledı dep kütılude, auyldyq eldı mekenderdegı mektepter jaŋǧyrtudan ötedı. Byltyr apatty dep tanylǧan 6 mekteptıŋ üşeuınıŋ mäselesı şeşımın tapty, al qalǧan 3 mektep «Jaily mektep» jobasy aiasynda salynatyn bolady. Būdan bölek, biyl 5 mekteptı paidalanuǧa beru josparlanuda. Sondai-aq aǧymdaǧy jyly josparǧa säikes auyldyq eldı mekendegı 47 mektep jaŋǧyrtudan ötkızılıp, 51 mektepke pändık (fizika, himiia, biologiia) kabinetter alynatyn bolady. Bılım salasyndaǧy taǧy bır quanyşty jaŋalyq, aimaq basşysynyŋ tapsyrmasyna säikes, biyl 1-4 synyp oquşylary mektepte tegın ystyq tamaqpen qamtyluda. Būl oblys boiynşa alǧaş ret jüzege asyrylyp otyr.