Mäjılıs deputaty Nartai Aralbaiūly Premer-Ministr Älihan Smaiylov pen Bas Prokuror Berık Asylovqa deputattyq saual joldady. Ol Mäjılıstıŋ jalpy otyrysynda oquşylar arasyndaǧy älımjettık mäselesın köterdı, dep habarlaidy «Adyrna» tılşısı.
Aituynşa, soŋǧy uaqytta jasöspırımder arasynda älımjettık köbeiıp, olardyŋ soŋy adam ölımımen aiaqtalyp jatyr. Deputat qaiǧyly oqiǧalardyŋ bırqataryn tızıp öttı.
«Almaty oblysyndaǧy Saty auylynda bolǧan qaiǧyly oqiǧa töbe şaşymyzdy tık tūrǧyzdy. Aldymen, 10-synyp oquşysynyŋ köz jūmǧanyn estıdık. Qaiǧyly oqiǧaǧa joǧary synyp oquşysynyŋ qaiǧyly oqiǧasy sebep bolǧan. Sūmdyǧy sol, marqūm bolǧan 10-synyp oquşysynyŋ jerleuınen keiın onyŋ dosy, synyptasy da öz özıne qol salyp, qaitys boldy. Säuır aiynyŋ basynda Türkıstan oblysy Törtkül auylynda su kanalynan 15 jastaǧy qyzdyŋ ölı denesı tabyldy. 9 synypta oqyǧan jasöspırımdı öltırdı degen küdıkpen 2 adam ūstaldy»,—dedı ol.Nartai Aralbaiūly bas prokuror Berık Asylovtan joǧaryda atalǧan ısterdı qataŋ baqylauǧa aludy sūrady.
«Aiyptylardyŋ jazadan qūtylyp ketpeuın sūraimyz. Älımjettık faktılerın bıle tūrsa jasyryp qalǧan qyzmettegı azamattardyŋ da jazaǧa tartyluy kerek. Oǧan qosa, balalardy qorlap jatqan kezde araşa tüsudıŋ ornyna sol äreketterdı beinetaspaǧa tüsırıp jariialaǧan adamdardy da jazalau qajet. Jäne aiypty oquşylardyŋ ata-analary da tiıstı jazasyn aluy kerek»,—dedı deputat.Būdan bölek, ol Premer-ministrge de öz ūsynystaryn aitty.
«Mektepte arnaiy inspektor bolǧanda ǧana ıştegı tärtıptıŋ jaqsaratynyn täjıribe körsettı. Sondyqtan mektep inspektorlaryn qaitaru kerek. Balalardy älımjettıkke tözbeuge, eger qysym jasalsa arnaiy mamanǧa jügınuge üiretu kerek. «Aryzdauǧa bolmaidy, taiaq jegenıŋdı aitu ūiat» degen syndy qylmystyq ötkenı bar tüsınıkterdı joiu kerek. Sondai-aq oqu men tärbienıŋ bırtūtastyǧyn qamtamasyz etetın jüie qalyptasuy tiıs. Ärbır pännıŋ tärbielık funksiiasy, ärbır mūǧalımnıŋ tärbielık jauapkerşılıgı boluy tiıs. Qazırgı jaǧdaida Ükımettıŋ «Azamattyq qyzmetşılerge, memlekettık biudjet qarajaty esebınen ūstalatyn ūiymdardyŋ qyzmetkerlerıne, qazynalyq käsıporyndardyŋ qyzmetkerlerıne eŋbekaqy töleu jüiesı turaly» №1193 qaulysynyŋ 4-qosymşasynyŋ negızınde synyp jetekşılerge 1-4 synyptar üşın 8800 teŋge (bazalyq lauazymdyq jalaqynyŋ 50 paiyzy), 5-11 synyptar men kolledjder üşın 10600 teŋge (bazalyq lauazymdyq jalaqynyŋ 60 paiyzy) kölemınde qosymşa aqy belgılengen. Mūǧalımderdıŋ sabaqta jäne sabaqtan tys uaqytta balalardyŋ tärbiesımen jüielı ainalysuy üşın keibır mamandandyrylǧan mektepterdegıdei arnaiy kurator ştattyq bırlıgın barlyq mektepke engızıp, olardyŋ laiyqty ailyq jalaqysyn jäne statusyn aiqyndauyŋyzdy sūraimyz»,—dedı deputat.
