Astanada tıl basqarmasyn jabu ne üşın kerek boldy, būǧan kım araşa tüse alady?!
Eldı oilaityn erteŋşıl äkım dep maqtaǧan Baqyt Sūltanovtyŋ bügıngı şeşımı şynymen jaǧa ūstatty. Elordamyzda memlekettık tıl mäselesı şeşılıp qoiǧandai, endı tıl basqarmasy derbes mekeme retınde jūmys ıstemeitın bolypty. Būl äkımnıŋ de tıl degende tıksınıp qalatynyn kım bılgen.
Sūltanovtyŋ şeşımıne säikes Astanadaǧy qoǧamdyq-ideologiialyq jūmysty endıgıde jaŋa qūrylǧan Qoǧamdyq damu basqarmasy jürgızedı.
Būl mekemege qoǧamdyq damu basqarmasy, mädeniet jäne sport basqarmasy, tılderdı damytu jäne arhiv (mūraǧat) ısı basqarmasy bırıktırıledı. Äkımnıŋ būl ekonomikalyq tūrǧyda paidaly, qarjy ünemdeledı degenın estıp jatyrmyz. Äitsede tıl mäselesınde, ideologiia salasynda, äsırese ūlttyq sana qūldyraǧan qazırgı kezeŋde ünem degendı aitudyŋ özı jauyzdyqpen para-par.
Soltüstık aimaqtardy aitpaǧannyŋ özınde, qaimaǧy būzylmaǧan Türkıstan jäne Jambyl oblystarynda tıl basqarmalary jūmys ıstep keledı. Endeşe Astanaǧa ne joryq?
Tılderdı damytu basqarmasynyŋ arqasynda Astana qazaqylanyp kele jatqan. Orazkül Asanǧazy, Erbol Tıleşov, Tıleuǧali Qyşqaşbaevtardyŋ bastamasymen qala köşelerı, audandaryna qazaqşa ataular berılıp, sauda ortalyqtary men ǧimarat maŋdaişalaryndaǧy ataudy qazaqşa sauatty jazu jūmystary qadaǧalana bastaǧan. Tıl basqarmasyna jürektı azamattar jūmysqa alynyp, erıktıler toby qūrylyp, Astanada tıl tazalyǧyn talap etuşı jastar köbeigen. Ruhaniiat ortalyǧy aşylyp, ūlt üşın maŋyzdy ıs-şaralar ötkızıle bastaǧan.
Tıl märtebesı – el märtebesı. Elbasynyŋ auzymen aitsaq: Tılge degen közqaras – şyndap kelgende, elge degen közqaras. Qazaq tılı – Qazaqstan Respublikasynyŋ memlekettık tılı. Oǧan köŋıl de, qarjy da solai bölınedı,- dep mälımdegen de memleket basşysy Nūrsūltan Nazarbaev. Būdan asyp qalai aituǧa bolady. Tüsıngen adamǧa būl jäi söz emes tapsyrma. Sondyqtan Sūltanovtyŋ bügıngı şeşımın asyǧys jasalǧan qadam dep sanaimyn. Basqadan ünemdese de tıldık, ūlttyq mäseleden ünemdeudıŋ keregı joq. Äsırese äleumettık mäseleler uşyqqan qazırgı kezeŋde.
Tıl – ūlttyŋ süienetın tüp tamyry. Endeşe tılderdı damytu basqarmasyn derbes mekeme retınde saqtap qaluǧa älı de bolady dep senemın. Köp tükırse köl degen. Eldıgımızdı bıldıreiık, el bolyp talap eteiık.
Mädi Manatbek
