Astanadaǵy Til basqarmasyn japqan Sultanovtyń jıǵan-tergeni týraly ne bilesiz?

1942
Adyrna.kz Telegram

Astananyń ótkende ǵana taǵaıyndalǵan ákimi Baqyt Sultanov qazir qazaq tildi qoǵamnyń ashýyn týǵyzdy. Basqalarǵa kóz qylatyn bas qaladaǵy Til basqarmasyn japty.  Bul týraly «Adyrna» ulttyq portalynda «Sultanovqa kerek emes Til, halyqqa kerek!» atty maqala jarııalaǵan edik.

Búgin sol Sultanovtyń ózi týraly jazbaqpyz. Baqyt Sultanov Astanaǵa ákim bolyp kelerden buryn Qazaqstannyń Qarjy mınıstrligin basqardy. Elbasynyń sózimen aıtsaq, memlekettiń qaltasy boldy. Qazynanyń kiltin ustady. Biraq, qazynaǵa qojalyq etken 5 jylda jarytyp jumys istedi deı almaspyz. Sultanovtyń sazaıyn Nurlan Nyǵmatýlın tóraǵalyq etetin Májilistiń depýtattary da, Elbasyynń ózi de jaqsylap bergen. Parlamenttiń taıaǵyn jegenin aıtpaǵannyń ózinde, Elbasynan eki márte eskertý alyp, úshinshisinde qyzmetinen bosaǵan adam edi.

Sóıtsek, memlekettiń qazynasyna biraz ýaqyt qojalyq etken Baqyt myrzanyń ózi de baıbatshalardyń sanatynan bolyp shyqty. Jıǵan-tergeni de az emes eken.

Baqyt myrza ákimdigi tusynda Astanada bes balanyń ómirin jalmaǵan aýyr qaza boldy. Kúlli qazaqtyń qabyrǵasyn qaqyraıtyp, delsal etken shetin oqıǵa bolǵan shańyraqqa Baqyt Sultanov bas suqpaǵanyn bilesizder.

Bas qalanyń basshysynyń bul qylyǵy jurttyń ashýyn bir keltirse, endi mine, Til basqarmasyn jaýyp eki ashýlandyryp otyr.

Osy jaǵymsyz jańalyqtan soń biz qazaq tiliniń baqyty emes, sory bolyp kelgen ákim Baqyt Sultanovtyń osy ýaqytqa deıingi qandaı jumysy, etken eńbegi eldiń esinde bar eken dep, áleýmettik jelini aqtardyq. Aqtaryp otyryp mynadaı bir qyzyq derekke jolyqtyq.

«Camonitor.kz» deıtin saıt Baqyt myrzanyń baılyǵyn eseptep jazypty. Bile júrińizder, biz álgi maqalany qazaqshaǵa aýdaryp bergendi jón dep eseptedik.

Qazaqstannyń beıresmı baı-baǵlandarynyń tizimine bizdiń Baqyt Sultanov ta kiredi eken.

Onyń jıǵan-tergen dúnıe-baılyǵyn áýeli «Radıotochka» jazǵan. Keıin ol materıaldy «Camonitor.kz» saıty kóshirip jarııalaǵan. Al biz aýdaryp basyp otyrmyz.

Baqyt Sultanov

«Nazarbaev ıntellektýaldy mektepteri» AQ, Qamqorlyq keńesiniń múshesi. 1971 jyly Almatyda týǵan. QUTÝ jáne Qazaq memlekettik basqarý akademııasyn bitirgen. Mamandyǵy – ınjıner-elektrık, ekonomıst.

1994 jyldan bastap qarjy salasynda basqarý jumystaryn atqaryp keledi.

2007 jyldyń qańtarynan bastap QR Qarjy vıe-mınıstri boldy.

2007 jyldyń tamyz aıynan bastap QR Ekonomıka jáne bıýdjettik josparlaý mınıstri boldy.

2010 jyly QR Prezıdentiniń kómekshisi qyzmetin atqardy.

2012 jyly QR Prezıdent Ákimshiligi basshysynyń birinshi orynbasary bolyp kórdi.

2013 jyldan bastap QR Qarjy mınıstri bolyp taǵaıyndaldy.

2018 jyly qyrkúıekte Astanaǵa ákim bolyp bardy.

Marapattary:

«Qurmet» ordenimen jáne 6 medalmen marapattalǵan.

Tólegen salyǵy:

2010 jyly – 108 mln 833,8 myń teńge;

2011 jyly – 181 mln 591,2 myń teńge;

2012 jyly – 239 mln 204,6 myń teńge;

2013 jyly – 68 mln 262,6 myń teńge;

2014 jyly – 291 mln 346,5 myń teńge;

2015 jyly – 254 mln 289,5 myń teńge.

Joǵarydaǵy salyqtyq tólemderdi saraptaı kele, 2014 jyly mınıstr qyzmetine myqtap kirisken Sultanov salyqtyq tólem kólemin qaıta qalpyna keltirip, tipti mınıstrliktiń fıskaldy tólemder tarıhyndaǵy rekordtyq kórsetkishti ornatqanyn kóremiz. Endi otbasyna toqtalaıyq.

Regına Fandesovno Sultanova

1970 jyly týǵan. Astana ákiminiń jubaıy.

Danııar Baqytuly Sultanov

1997 jyly týǵan. Baqyt Sultanovtyń uly. Resmı aqparattarǵa sensek, bul eki adam eshqandaı bıznespen aınalyspaıdy. Iaǵnı, ákim «ákeleriniń» qolyna qarap otyr.

Anel Baqytqyzy Sultanova

1989 jyly týǵan. Baqyt Sultanovtyń qyzy. «A&M Blibim berý ortalyǵy» JShS-niń jalǵyz qurýshysy jáne dırektory. Bul ortalyq 2013 jyldyń 16-mamyry kúni tirkelgen eken. Astana qalasynda ornalasqan. Aýdarma jumystarymen aınalysady.

Tólegen salyǵy:

2013 jyly – 163,9 myń teńge;

2014 jyly – 173,3 myń teńge;

2015 jyly – 0 teńge.

Turlyhan Bazyluly Sultanov

Burynǵy mınıstr, qazirgi ákimniń ákesi. 1949 jyly týǵan. «Talǵar qalalyq psıhonevrologııalyq ınternat-úıi» Memlekettik basqarmasyn basqarǵan. Bul ortalyqty 2005 jyly 23-aqpanda Almaty oblysy ákimdiginiń apparaty qurǵan.

Tólegen salyǵy:

2010 jyly – 3 mln 279,1 myń teńge;

2011 jyly – 4 mln 961,2 myń teńge;

2012 jyly – 6 mln 272,1 myń teńge;

2013 jyly – 6 mln 339,2 myń teńge;

2014 jyly – 5 mln 991,6 myń teńge;

2015 jyly – 8 mln 576,6 myń teńge.

Nurlan Sultanov (1974 jyly týǵan) pen Erlan Sultanov (1973 jyly týǵan). Bular ákimniń baýyrlary. Eshqandaı kompanııaǵa úlesker emes.

Arman Turlyhanuly Sultanov

1976 jyly týǵan. Baqyt Sultanovtyń baýyry. «Qaztransservıs» AQ dırektorlar keńesiniń múshesi.

Dáýren Sultanov

Kishi inisi. 1981 jyly týǵan. «Argofırma «Moıynqum otkorm» JShS qurýshylardyń biri. 2014 jyly 18-maýsymda tirkelgen.

Tólegen salyǵy:

2014 jyly – 0 teńge;

2015 jyly – 1 mln 591,0 teńge.

Osy rette taǵy bir derekke kóz júgirteıik. Dáýren Sultanovtyń qurǵan sharýashylyq seriktestiginiń basqa da músheleri bar eken. Olar:

-Gúlnara Áskerbekqyzy Týselbaeva – Shyǵys Qazaqstandaǵy ataǵy dardaı dárigerdiń qyzy;

-Dos Perýashev – Májilis depýtaty Azat Perýashevtiń baýyry;

-Almaz Azamatuly Abıldaev -  1996 jyly týǵan. Qurylys materıaldaryn óndirýshiler odaǵynyń Prezıdentiniń uly;

-«Moıynqum AGRO»JShS. Bul sharýashylyq 2009 jyly 28-qyrkúıekte Jambyl oblysynda tirkelgen.

«Moıynqum AGRO» JShS tólegen salyǵy:

2010 jyly – 1 mln 659,1 myń teńge;

2011 jyly – 5 mln 273,0 teńge;

2012 jyly – 4 mln 729,6 myń teńge;

2013 jyly – 183,0 myń teńge;

2014 jyly – 1 mln 392,0 myń teńge;

2015 jyly – 3 mln 072,0 myń teńge.

  1. Keshegi Astanaǵa qazaq tiliniń qorǵany sanalatyn Til basqarmasyn kereksiz dep tanyǵan ákim Baqyt Turlyhanuly Sultanovtyń «semıasy» osyndaı. Bile júrińizder... Eskerte keteıik, bul derekter ashyq ınternetten alynǵan.

«Adyrna» ulttyq portaly

https://camonitor.kz/24301-chem-vladeet-i-s-kem-svyazana-semya-bahyta-sultanova.html

Pikirler