QR Oqu-aǧartu ministrı Ǧani Beisembaevtyŋ Qyzylorda oblysyna jūmys sapary Qazaly, Jalaǧaş audandarynda jalǧasty.
Qazaly audanyndaǧy R.Baǧlanova atyndaǧy audandyq mädeniet ortalyǧynda vedomstvo basşysy men oblys äkımı Nūrlybek Nälıbaev bılım salasy, qūqyq qorǧau organdary qyzmetkerlerımen, ziialy qauym ökılderımen jäne ata-analarmen kezdestı. Kämeletke tolmaǧandar arasyndaǧy qūqyqbūzuşylyqtyŋ aldyn alu mäselesı boiynşa «Bala tärbiesı – barşamyzǧa ortaq mındet» atty bırlesken keŋes otyrysyna qatysty. Jiynda Qyzylorda oblystyq polisiia departamentı bastyǧynyŋ mındetın atqaruşy Şamşidin Amitov, oblystyq bılım basqarmasynyŋ basşysy Meirambek Şermaǧambet jäne audan äkımı Mūhtar Orazbaev baiandama jasap, ūstazdar men ata-analar öz pıkırlerın bıldırdı.
Aimaq basşysy tärbie ısındegı basty baǧdar balalardyŋ qūqyq būzuşylyqqa barmauyn qataŋ qadaǧalau ekenın, būl oraida atqaryluy tiıs ıs-şaralardy atap öttı.
Aimaq basşysy tärbie ısındegı basty baǧdar balalardyŋ qūqyq būzuşylyqqa barmauyn qataŋ qadaǧalau ekenın, būl oraida atqaryluy tiıs ıs-şaralardy atap öttı.
«Qyzylorda qalasy men audan äkımderı, oblystyq bılım basqarmasynyŋ jäne oblystyq polisiia departamentınıŋ basşylyǧy oqu oryndary basşylarymen bırlese otyryp, balalarǧa qatysty zorlyq-zombylyqty, olardyŋ özara qarym-qatynasyndaǧy keleŋsızdıktı boldyrmauǧa baǧyttalǧan jedel jūmystardy küşeituı tiıs. Ol üşın oquşylardyŋ bos uaqyty dūrys ärı paidaly etıp ūiymdastyryluy kerek. Jastar ortalyqtarymen bırlesıp, qūqyqbūzūşylyqqa beiım oquşylardy qoǧamdyq şaralarǧa, mektep janyndaǧy sport, muzyka, öner üiırmelerıne keŋınen tartu jemısın beredı. Sot, prokuratura jäne polisiia ökılderın şaqyrtyp, jauapkerşılık, jasöspırımder jasaǧan qylmystar men tärtıp būzuşylyqtardyŋ saldary turaly oqu saǧattaryn ūiymdastyrsyn. Balalar qūqyqbūzuşylyqqa barmauy üşın belsendı azamattar, ardagerler, ata-analar komitetı, bılım salasyna janaşyr deputattar ortaq ıske azamattyq tūrǧyda ün qosuy tiıs», – dedı oblys äkımı.Baiqoŋyr qalasyna aialdaǧan QR Oqu-aǧartu ministrı osyndaǧy №277 mektep-liseiınde ūstazdar qauymymen pıkırlestı. Baiqoŋyr qalasyna arnaiy baǧdarlama jasaudy tapsyryp, bıtıruşı tülekterge grant bölu mäselesın şeşu qajettigin atap öttı. Ärı qarai vedomstvo basşysy men oblys äkımı Jalaǧaş audanyndaǧy Taŋ auylyna bardy. Auyldaǧy №118 mektep ūjymymen kezdesıp, jaŋa avtobus tabystady. Eske salsaq, Qyzylorda oblysy äkımınıŋ qoldauymen aimaqtaǧy auyl mektepterı 30 jaŋa avtobuspen tolyǧady. Būl balalardy mektepke jäne üilerıne qauıpsız tasymaldaudy qamtamasyz etuge mümkındık beredı. Kölıkter 20 jäne 40 orynǧa şaqtalǧan. Mektep avtobustarynyŋ tehnikalyq sipattamalary barlyq talaptarǧa säikes keledı. Qauıpsızdık beldıkterı, apatty jaǧdai tuyndaǧandaǧy şyǧu joly, jyldamdyq şektegışter men säikestendıru belgılerı bar, avtobusta bala qalǧan jaǧdaida belgı beretın jüiemen jabdyqtalǧan.
