Paradziudodan Qazaqstan qūramasy Aziia chempionatynda 14 medal jeŋıp aldy, dep habarlaidy “Adyrna” ūlttyq portaly.
Astanada paradziudodan Aziia chempionatynyŋ jekelei saiystary öz märesıne jettı. 11 eldıŋ 100-den astam sportşysy J1 (közı müldem körmeitın) jäne J2 (közı naşar köretın sportşylar) sanaty boiynşa özara myqtyny anyqtady.
Jekelei saiys nätijesınde Qazaqstan qūramasy jalpy komandalyq medal kestesınde ekınşı orynǧa jaiǧasty, dep habarlaidy Qazaqstan paradziudo federasiiasynyŋ baspasöz qyzmetı.
Aziia chempionatynyŋ jekelei jarystary boiynşa medal ketesındegı üzdık üştık kelesıdei:
Özbekstan – 4 altyn, 6 kümıs, 3 qola;
Qazaqstan – 4 altyn, 4 kümıs, 6 qola;
İran - 3 altyn, 2 qola.
Atap aitqanda, Daiana Fedosova (-57kg, J2), Erǧali Şamei (-73kg, J1), Alfiia Tılekqabyl (-57kg, J1) jäne Janbota Amanjol (-90 kg, J2) chempion atansa, Aqmaral Nauatbek (-52 kg, J2), Erlan Konkiev (+90 kg, J2), Bauyrjan
"Jekelei saiys boiynşa qūrama jospardy tolyq oryndady. Aziia chempionatynda jeŋımpaz jäne jüldeger atanǧan sportşylardyŋ basym bölıgı qūramaǧa biyl qosylǧan jas baluandar. Osyndai älemdık därejedegı alǧaşqy jarystaryna qatysty. Olardyŋ keibıreulerı, mysaly Alfiia sausaǧynyŋ synǧanyna qaramastan küresıp, jankeştılık tanytty. 16 jasynda Aziia chempiony atandy", - deidı Qazaqstan qūramasynyŋ bas bapkerı Jandos Qiianov.
Bügın, 30 säuır Astanadaǧy Jaqsylyq Üşkempırov atyndaǧy jekpe-jek saraiynda Aziia chempionatynyŋ komandalyq jarysy ötedı. Komandalyq jarysqa erler arasynda alty, al äielder arasynda üş qūrama qatysady.
