Būl turaly bügıngı ötken köşpelı baspasöz mäslihatynda audan äkımı Altai Dosymbaev aitty.
Brifingte bırqatar äleumettık mäseleler köterıldı. Onyŋ bırı - auyldardy gazdandyru. Qazırgı taŋda audandaǧy 64 eldımekennıŋ 14%-y ǧana gazǧa qosylǧan nemese 25 myŋ abonenttıŋ 8,7 myŋy ǧana kögıldır otynmen qamtylǧan.
"Auqat İnvest" atty jeke investor kompaniiasy 5 auylǧa gaz tartu üşın jobalyq-smetalyq qūjatyn daiyndap jatyr. Joba qūny atalǧan qūjat äzır bolǧanda anyqtalady. Taǧy 3 jobaǧa qarajat bölındı. Sonymen qatar 54 eldımekendı tolyq qamtu maqsatynda osy kompaniia investisiialyq joba äzırlep jatqanyn aita ketken jön. Aldymen joǧaryda atalǧan 5 auyl, keiınnen kezeŋ-kezeŋımen qalǧan auyldar kögıldır otynǧa qosylady. Būl jospar 5 jylǧa jalǧasady. Gazǧa qosylu baǧasy şamamen 350 myŋ teŋge bolmaq”, - dedı äkım.Sondai-aq äkım köpqabatty üilerdı jylumen qamtu üşın 16 bloktyq-moduldyq qazandyqtar ornalastyru josparlanǧanyn aitty. Bügıngı taŋda 15-nıŋ qūrylysy aiaqtaldy, 1-uınıŋ qūjatyna özgerıster engızılıp jatyr. Atalǧan jospar memlekettık baǧdarlama aiasynda ıske asyrylǧan.
