Serıkjan Bıläş myrzaǧa!
Men Sızdıŋ şaqyruyŋyzdy kördım, raxmet! Bıraq, 6.03. künı Sızge bara almaimyn, däl sol künı qolym timeidı, sebebı Astanada tūram. Şynymdy aitsam, qolym tigen künnıŋ özınde de, Almatyǧa ūşyp baryp Sızdıŋ leksiiaŋyzdy tyŋdauǧa uaqytym joq. Al oralmandarǧa kömek körsetuge keletın bolsaq, Sız aitpai-aq ta, tıptı "Atajūrt" ūiymy qūrylmai tūryp ta talai qazaqqa, "oralman" dep bölmei-aq, kömegımdı körsetıp kelemın. Jalpy, ūlttyq mäselelerımen ainalysyp jürgenıme 10 jyldai boldy.
Onyŋ ışınde Qytaidan kelgen bauyrlarym da bar. Bıraq, onyŋ bärın Sız siiaqty "men Qytaidan kelgen 7 janūiany asyrap otyrmyn" dep äleumettık jelını şulatqan joqpyn. Jäne Sız siiaqty "men tankımın, sender körtyşqansyŋdar, şynjyr tabanymmen ädeiı myjǧylap taptap ötemın" dep özımdı tankıge, ūly aqyndardy sarşūnaq tyşqanǧa teŋegen emespın. Būl astamşyldyq, menmendıktıŋ belgısı dep bılem. Mūhtar Şahanov, Mekemtas Myrzahmetov, Ǧabbas Qabyşūly, Temırhan Medetbek syndy aǧalarymyz aman bolsyn. Men olardy būdan būryn da qoldap jürdım, būdan bylai da qoldaimyn.
Qūrmettı Serıkjan myrza!
Jasap jatqan jūmysyŋyzǧa sättılık tıleimın! Qytaidaǧy qazaqtyŋ taǧdyry tek Sızdıŋ emes, barşa qazaqty alaŋdatyp otyr. Būl mäsele Sızdıŋ jalyndy sözderıŋızben emes, ekı memleket aralyq kelısım şart arqyly ǧana şeşıledı.
Būl jerde Sız ziialy aǧalarymyzǧa emes, bilıkke ökpelıŋız, Şaxanovty emes, küştı bolsaŋyz bilıktıŋ özın synaŋyz. Qazaqtyŋ ūlttyq mäselesı tek oralman mäselesımen şektelmeidı, būl da esıŋızde bolsyn.
Al kömek mäselesıne oralatyn bolsaq, men eşqaşan kömek körsetuden bas tartqan joqpyn. Jaǧdaiy qiyn Qytaidan kelgen bır-ekı aǧaiynnyŋ esep-şotyn jıberıŋız, qolym kelgenşe kömegımdı älbette körsetemın. Erteŋ, "men şaqyrdym, olar kelgen joq" dep qazaqtyŋ arasyna ırıtkı salmaŋyz, bıreuge mındetsınbei jaqsylyq jasaŋyz. Bar küşıŋızdı az qazaqty bırıktıruge jūmsaŋyz!
Izgı nietpen, Mūxtar Taijan
