Belgılı jurnalist ärı tarihşy, qoǧam belsendısı Naǧaşybai Esmyrza ömırden ozdy. Būl turaly belgılı jurnalist Jolymbet Mäkış Feisbuk paraqşasynda jariialady.
" «Atajūrt erıktılerınıŋ» sotyna qatysu üşın taŋerteŋ on kezınde Almaty qalalyq sotyna barǧanmyn. 15 minuttai erte baryppyn. Zalda otyrsam, Naǧaşybai marqūm janymdaǧy adamdarmen amandasyp jatyr eken. Körmegelı köp bolǧan. Osydan 4-5 jyl būryn «Orbitadaǧy» kafede ara-tūra kezdesıp qalatynbyz. Sodan bügın bırınşı ret kördım. Būrynǧydai emes, azdap jüdegen. Aman-saulyq sūrasyp, ekeuımız oryndyqqa jaiǧasa qaldyq. Baiaǧydai emes, araq-şarapty qoiǧanyn, qazır qymyz ben şūbat ışıp jürgenın aitty. Aǧamnyŋ onysyna riza bolyp, äŋgımemız endı qyza bergende, basyn ūstai qaldy. «Basym äketıp barady» dedı de, sälden keiın bır jaǧyna qarai qisaiyp, sūlq ete tüstı. Sot jaiyna qaldy. Tastap ketetın emes. Zal u-şu. Bıreu skoryi şaqyryp, endı bır kısıler aǧamyzdy ekı jaqtap jerge jatqyzyp jatyr. Jedel järdem de köp küttırgen joq, on minut öttı me, ötpedı me, zu etıp kele qaldy da, bırden dem salyp, jūmystaryna kırıstı. Söitıp arpalysyp jatqanda sot ta bıtıp, «Atajūrt erıktılerıne» salynǧan aiyppūldy sot sol küiı qaldyrypty. «Atajūrttyŋ» adamdary marqūmnyŋ üi-ışıne qoldan kelgenşe qarjylai kömektesetın boldy. Älemettık jelıde de, bylaiǧy ömırde de tanymal adamǧa ainalǧan Naǧaşekeŋ osylaişa köz aldymda baqilyq boldy. Ömır degen osy, qaşan, qai jerde jan tapsyratynyŋdy bılmeisıŋ. Alla Taǧala Naǧaşybai aǧamyzdyŋ būl jalǧandaǧy bılıp ıstegen, bılmei ıstegen bar künäsın keşırıp, marqūmdy özınıŋ raqymyna alsyn, äumiiin!" dep jazba qaldyrypty Jolymbet.
Naǧaşybai Esmyrza Adolf Gitler turaly jazbalarymen tanymal. Bırneşe jyl būryn "Gitler - faşist emes" atty sūhbaty "Aŋyz adam" jurnalyna şyǧyp, soŋy ülken dauǧa ūlasqan bolatyn.
Sondai-aq Gitlerdıŋ "Main Kamp" kıtabyn qazaqşaǧa audaryp şyǧarsam dep sauyn aityp jürgen edı.
"Adyrna" ūlttyq portaly
