Tashkentte erler arasynda bokstan ótip jatqan álem chempıonatynda búgin Qazaqstannan Sanjar Táshkenbaı men Dýlat Bekbaýov altynǵa talasady, dep habarlaıdy “Adyrna” ulttyq portaly.
Astana ýaqytymen saǵat 18.00-de bastalatyn dodada birinshi bolyp Sanjar (48 kg) rıngke shyǵady.
Onyń qarsylasy - grýzııalyq Sahıl Alahverdobı.
Álemdik dodada fınalda úsh qazaqstandyq boksshy ózbekstandyqtarmen bas júldeni sarapqa salady. Sonyń birinshisi Dýlat Bekbaýov pen Asadhýdja Mýıdınhýdjıev arasynda ótpek.
Erteń, 14 mamyr kúni saǵat 18.00-de bastalatyn fınalda Mahmud Sabyrhan (54 kg) Oıbek Djýraevpen, ulttyq qurama kapıtany Aslanbek Shymbergenov (71 kg) Saıdjamshıd Djafarovpen judyryqtasady. 80 kelige deıingi salmaqta asa qyzyqty jekpe-jek bolǵaly tur. Nurbek Oralbaı Qytaıdaǵy qandasymyz Toqtarbek Tańathanmen qolǵap túıistiredi.
Eki kúnde barlyǵy 13 salmaqta chempıondar anyqtalady.
Eske sala keteıik, budan buryn Nurbek Oralbaı men Qytaıdaǵy qandasymyz altynǵa talasatynyn jazǵan bolatynbyz.
Sondaı-aq qazaq boksshylary álem chempıonatynyń fınalynda kimdermen judyryqtasatyny belgili boldy.
