Prezident Qasym-Jomart Toqaev Qytaidyŋ CCTV arnasyna bergen sūhbatynda Qazaqstannyŋ Taivanǧa qatysty ūstanymyn aitty. Būl turaly Aqordanyŋ baspasöz qyzmetı jariialady, dep habarlaidy “Adyrna” ūlttyq portaly.
Telearna jurnalisı Toqaevtyŋ Taivan turaly pıkırın sūraǧan.
"Bız būl älemdegı barlyq adamǧa aidan anyq mäsele dep esepteimız. "Ekı Qytai" bolmauy kerek. Taivan Qytaidyŋ bır bölıgı bolyp tabylady. Barlyq memleketterdıŋ aumaqtyq tūtastyǧy prinsipı Bırıkken Ūlttar Ūiymynyŋ Jarǧysynda bekıtılgen. Ereje saqtaluy kerek”, – dep jauap berdı Toqaev.
Memleket basşysy taivan Qytaidyŋ bır bölıgı ekenın bırneşe ret qaitalady.
Aita keteiık, būǧan deiın Prezident QHR-ǧa memlekettık sapary qarsaŋynda elımızdıŋ Qytaimen saiasi-ekonomikalyq jäne mädeni-gumanitarlyq yntymaqtastyǧynyŋ damu perspektivalaryna, qazaq-qytai qatynastarynyŋ tarihy men bügıngı jai-küiıne, jahandyq jäne öŋırlık saiasatqa qatysty Leaders Talk baǧdarlamasynyŋ sūraqtaryna jauap beretını habarlaǧan edık.“Būl qaǧida Şanhai yntymaqtastyq ūiymynyŋ deklarasiiasy men Jarǧysynda da belgılengen. Sondyqtan men taǧy da bır ret atap ötkım keledı. Taivan Qytaidyŋ bır bölıgı. Jäne būǧan eş kümänımız joq", - dedı Toqaev.
