Bügın Jambyl oblysynyŋ Öŋırlık kommunikasiialar qyzmetınde Şu audanynyŋ äkımı Baqytjan Jänıbekov audannyŋ alǧaşqy toqsandaǧy äleumettık-ekonomikalyq damu körsetkışı turaly baiandap, būqaralyq aqparat qūraldary ökılderınıŋ tarapynan qoiylǧan saualdarǧa jauap berdı.
Brifing barysynda audan basşysy ötken jyly öŋırde atqarylǧan jūmystarǧa toqtalyp, aldaǧy maqsat-mındetterdı atap öttı. Sonymen bırge, toǧyz joldyŋ torabynda ornalasqan öŋırdıŋ özektı mäselelerın de jeke-jeke atap öttı. Dälırek aitqanda, Şu audanyndaǧy kün tärtıbınde tūrǧan özektı mäselenıŋ eŋ negızgısı ol – jaiylymǧa qatysty tüitkıl. Atalǧan mäselenı jüielı türde şeşu üşın qazırgı kezde bırqatar jūmystar qolǧa alynǧan. Audan äkımınıŋ aituynşa, ötken jyly eldı mekennıŋ jaiylym jerlerın ūlǧaitu boiynşa audandyq bosalqy jer qorynan qosymşa 83,3 myŋ gektar jaiylymdyq jer uchaskelerı auyldyq okrugterge bekıtılıp berılıptı.
Brifing barysynda audan basşysy ötken jyly öŋırde atqarylǧan jūmystarǧa toqtalyp, aldaǧy maqsat-mındetterdı atap öttı. Sonymen bırge, toǧyz joldyŋ torabynda ornalasqan öŋırdıŋ özektı mäselelerın de jeke-jeke atap öttı. Dälırek aitqanda, Şu audanyndaǧy kün tärtıbınde tūrǧan özektı mäselenıŋ eŋ negızgısı ol – jaiylymǧa qatysty tüitkıl. Atalǧan mäselenı jüielı türde şeşu üşın qazırgı kezde bırqatar jūmystar qolǧa alynǧan. Audan äkımınıŋ aituynşa, ötken jyly eldı mekennıŋ jaiylym jerlerın ūlǧaitu boiynşa audandyq bosalqy jer qorynan qosymşa 83,3 myŋ gektar jaiylymdyq jer uchaskelerı auyldyq okrugterge bekıtılıp berılıptı.
– Aǧymdaǧy jyly paidalanylmai jatqan auyl şaruaşylyǧy maqsatyndaǧy 22000 gektar jerdı memleket menşıgıne qaitaru jospar josparlanyp otyr. Qazırgı kezde būl jūmystar qarqyndy jürgızılude. Jyl basynan bastap jalpy memleket menşıgıne 9 000 gektar jerdı qaitardyq. Al, ötken jyly barlyǧy 34945 gektar jer qaitarylǧan bolatyn. Onyŋ 182 gektary suarmaly, 2910 gektar tälımdık jer bolsa, qalǧan 31 myŋ gektary jaiylymdyq jerler. Būdan bölek, Şu audanynyŋ halqy negızınen auylşaruaşylyǧyna beiım bolǧandyqtan auyz su mäselesı de öte özektı bolyp otyr. Būl baǧytta qolǧa alynǧan jūmystar da bır jüiege keltırıle bastady. Mäselen, audan boiynşa 94 kanal bar bolsa, onyŋ ışınde jalpy ūzyndyǧy 103 şaqyrym bolatyn 16 kanalǧa jöndeu jūmystary jürgızılıp, qaita jaŋǧyrtyluda. Oǧan qosa, qosymşa 35 kanalǧa jobalyq-smetalyq qūjattar äzırlenıp qoidy, - deidı Baqytjan Orazalyūly.Atap ötkenımızdei, audan äkımı aimaqtaǧy şeşımın kütken mäselelerge de keŋınen toqtaldy. Olardyŋ qatarynda tūrǧyn üi mäselesı de bar. Bügıngı taŋda tūrǧyn üi salu üşın kezekte tūrǧan 1216 azamatqa jer telımderı berıldı. Atalǧan jer telımderı Şu qalasy men Töle bi jäne Alǧa auyldyq okrugterınen berılgenın de aita ketken jön. Audandaǧy eldı mekenderdı sapaly auyz sumen qamtamasyz etu de kün tärtıbındegı mäselelerdıŋ qatarynda. Qazırgı kezde audandaǧy 35 eldı mekennıŋ 9-y auyz sumen qamtylmai otyr. Ötken jyly atalǧan 9 eldı mekennıŋ 6-uyn auyz sumen qamtamasyz etu maqsatynda merdıgerlerı anyqtalyp, qūrylys jūmystary bastalyp ketken. Naqtyraq aitqanda, olardyŋ qatarynda halyq tyǧyz ornalasqan Köktöbe, Aqtöbe, Eŋbekşı, Sauytbek, Kökqainar auyldary men Şu qalasyndaǧy Qant zauyty möltek audany bar. Būl nysandar ötpelı boluyna bailanysty aǧymdaǧy jyldyŋ qazan aiynda jūmystar tolyǧymen aiaqtalmaq. Nätijesınde, 2025 jyldyŋ soŋyna qarai Şu audanyndaǧy eldı mekender 100 paiyz taza auyz su jüiesımen qamtylmaq. Sonymen qatar, jiyn barysynda Baqytjan Orazalyūly jergılıktı tūrǧyndardy tolǧandyrǧan saualdarǧa jauap berdı. Qazırgı kezde respublikalyq «Merkı-Şu-Burylbaital» avtojolynda kürdelı jöndeu jūmystarynyŋ jürgızılıp jatqany belgılı. Osyǧan orai, atalǧan küre joldyŋ Şu özenınen ötetın «Andasbai» köpırıne jöndeu jürgızılmek. Alaida, osy köpır arqyly audan ortalyǧyna qatynaityn bes auyldyŋ tūrǧyndary köpırdıŋ uaqytşa jabyluyna narazylyqtaryn bıldırgen. Atalmyş mäsele boiynşa jergılıktı bilık ökılderı negızgı köpırdıŋ qūrylysy aiaqtalǧanşa Şu özenınen ötetın uaqytşa ötkel soǧu jönınde şeşım qabyldaǧan. Al, bılım salasy boiynşa biyl 5 mekteptı kürdelı jöndeuden ötkızu üşın jobalyq-smetalyq qūjattar äzırlenude. Säikesınşe, kelesı jyly 6 jaŋa bılım oşaǧy, ekı japsarlas qūrylys, 5 mektepte kürdelı jöndeu jūmystary atqarylmaq.
"Adyrna" ūlttyq portaly
