Aqtöbe oblysynyŋ Yrǧyz audanyndaǧy Janys bi jäne Şeŋbertal auyldarynda 1500-ge juyq adam tūrady. Bügınde olardyŋ barlyǧy qūdyqtyŋ suyn ışıp otyr. Al sudyŋ sapasy men sanitarlyq jaǧdaiy köŋıl könşıtpeidı. Onyŋ üstıne, qūdyqtyŋ suy auyq-auyq tartylyp ketedı. Mäselenıŋ män-jaiy «AMANAT» Partiialyq baqylau komitetınde talqylandy.
Partiialyqtar anyqtaǧandai, atalǧan auyldarda «Kölsai Stroi» JŞS-y ūzyndyǧy 42,3 km bolatyn su qūbyryn saluy kerek edı. Alaida, qūbyr paidalanuǧa qabyldanbady. Sebebı ony salu kezınde qūrylys talaptary būzylǧan.
«Su keledı dep ümıttengen köptegen tūrǧyn öz uchaskesıne qūbyr jürgızıp, qajettı qūral-jabdyqtar satyp alǧan, tıptı sol kerek-jaraq zattardy alu üşın qaryzǧa da batty. Alaida, qazırgı uaqytta naqty merdıgerdıŋ bolmauyna jäne köptegen kemşılıkterdıŋ oryn aluyna bailanysty su qūbyryn paidalanuǧa beru mümkın emes. Şeŋbertaldaǧy su sorǧy stansasy – osy auylda alǧaş ret salynǧan nysan. Jūmysyna jürdım-bardym qaraityn şeneunıkter tūrǧyzǧan su mūnarasy bügınde sybailas jemqorlyqtyŋ simvolyna ainaldy», – dedı partiialyq baqylau inspektory Aijan Ysqaqova.
Būǧan jauap retınde Ekologiia ministrlıgı Su resurstary komitetınıŋ töraǧasy Nūrlan Aldamjarov «Kölsai Stroiǧa» qatysty sotqa talap aryz joldanǧanyn habarlady.
«Aita ketu kerek, 2022 jyly su qūbyry synaq rejimınde qosyldy. 1 säuırden bastap elektr energiiasynyŋ bereşegıne bailanysty su berudı toqtatty. «Kölsai Stroi» ekı aidyŋ ışınde barlyq kemşılık joiylady dep sendırıp otyr. Qyrküiek aiyna deiın tolyq paidalanuǧa berıp, oblystyq kommunaldyq menşıkke ötkızemız. Bızdıŋ komitet bükıl respublika boiynşa osyndai nysandardyŋ tapsyrys beruşı bolyp tabylady, sondyqtan da barlyq jerdegı qūrylys jūmystaryn qadaǧalap ülgermeimız. Bızde osy jūmyspen ainalysatyn tek 4 maman bar», - dedı ol.
Mäjılıs deputaty Nūrjan Äşımbetov tapsyrys beruşınıŋ atqaratyn qyzmetı Su resurstary komitetıne tän emes ekenın alǧa tartty. Öitkenı olar Astanadaotyryp qūrylys sapasyn baqylai almaidy. Sondyqtan ol qoldanystaǧy jūmys tärtıbın qaita qaraudy ūsyndy.
«Būl mäselenı eşkım kötergen joq, tıptı, partiianyŋ audandyq filialy da ünsız otyr. Jeke özıŋız baryp, su qūbyryn paidalanuǧa bergenşe sol jerde otyryŋyz. Adamdardyŋ susyz qalai ömır sürıp jatqanyn öz közıŋızben körıp, sol jerde tūryp körıŋız. Şılde aiynyŋ soŋyna deiın auyl tūrǧyndary qūbyrmen keletın sudyŋ igılıgın köruı kerek», - dedı PBK müşesı Maira Aisina.
Jiynǧa qatysuşylar qoǧamdyq rezonansqa qaramastan mäselenı şeşuge asyqpaǧan «AMANAT»-tyŋ Yrǧyz audandyq filialynyŋ sylbyr äreketın de synǧa aldy.
«Atalǧan mäsele öŋırlık sailaualdy baǧdarlamaǧa jäne ony ıske asyru jönındegı Jol kartasyna engızılmegen. Būl jergılıktı halyqtyŋ problemalaryn zerdeleu boiynşa oblystyq jäne audandyq filialdardyŋ jūmysynda aitarlyqtai kemşılıktıŋ bar ekenın däleldeidı. Sonymen qatar partiianyŋ audandyq filialy bır jarym jyl ışınde ıs jüzınde tiıstı memlekettık organdarǧa bırde-bır hat jıbermegen, al partiianyŋ Ortalyq apparatyna oryn alǧan jaǧdai turaly aqparat uaqtyly jetkızılmedı», - dep atap öttı partiia hatşysy Erjan Jylqybaev.
Jiyn soŋynda Komitet «AMANAT»-tyŋ Yrǧyz audandyq filialynyŋ Atqaruşy hatşysyn, Yrǧyz audandyq partiialyq baqylau komissiiasynyŋ töraǧasyn jäne Aqtöbe oblystyq partiialyq baqylau komissiiasynyŋ töraǧasyn partiialyq jauapkerşılıkke tartuǧa qauly ettı.
