Qūtqaruşylar Almaty taularynda joǧalyp ketken australiialyq turisttıŋ ölı denesın tapty, dep habarlaidy "Adyrna" portaly.
Mäiıt Aiusai şatqalyndaǧy bırınşı sarqyramanyŋ janynan tabyldy.
Aldyn ala mälımet boiynşa, 21 mamyrda 1995 jyly tuǧan Australiia azamaty Ülken Almaty şatqalyna qarai tauǧa şyqqan.
Joǧalǧan azamattyŋ ärıptesı olardyŋ Almatyǧa 20 mamyr künı taŋerteŋ turizm maqsatynda kelgenın aitty. 22 mamyrda saǧat 7:00-de turister qaityp ūşyp ketuı kerek edı.
Polisiiaǧa Australiia azamatymen bır jataqhanada tūratyn Resei azamaty habarlasqan.
Turistı ızdeuge Respublikalyq jedel-qūtqaru jasaǧynyŋ qūtqaruşylarynyŋ (RJQJ) jedel toby 6 adam jäne 1 kinologiialyq brigada jıberıldı.
"Saǧat 23:40-ta olar ızdeuge kırıstı. 2:40-ta RJQJ qyzmetkerlerı men poliseiler Kosmostansiiasyna köterılıp, betkeilerdı tekserdı. Olar tömen tüsıp, qūbyrdyŋ oŋ jäne sol jaǧyn tekserdı. Ülken Almaty kölınde tünde aua raiy qolaisyz boldy, jaŋbyr jauyp, qar jauyp, qatty jel soqty», - dep habarlady baspasöz qyzmetı.Qūtqaruşylar ekı topqa bölındı: bırı Aiusai şatqaly baǧytynda, ekınşısı Prohodnoe şatqaly baǧytynda ızdeuge şyqty. Izdeu jūmystary kündız aua raiynyŋ qolaisyz jaǧdaiynda jürgızıldı. Saǧat 15:48-de Tötenşe jaǧdailar ministrlıgı TJD Jedel-qūtqaru jasaǧynyŋ bastyǧy Arystanbaev Bauyrjan sputnik arqyly RJQJ qūtqaruşylary Almaty qalasy äkımdıgınıŋ avariialyq-qūtqaru jūmystary qyzmetınıŋ qūtqaruşylarymen bırlese otyryp, denenıŋ tabylǧany turaly aqparatty jetkızdı. Aiusai şatqalyndaǧy bırınşı sarqyramanyŋ janynan mäiıttı tapty.
"Adyrna" ūlttyq portaly
