Qyzylorda oblysy, Syrdariia audanyna qarasty N.Iliiasov auyldyq okrugınde dziudodan respublikalyq turnir öttı. Atalmyş jarysqa 11 oblystan 334 sportşy jäne 27 komanda qatysty. Būl turaly Öŋırlık kommunikasiialar qyzmetınıŋ aqparattyq alaŋynda ötken brifingte oblystyq mädeniet jäne sport basqarmasy basşysynyŋ orynbasary Asyljan Jamanqūl mälımdedı.
-Qazaqstanda dziudo 1973 jyldan bastap dami bastady. Dziudo eŋ aldymen, jauyngerlık önerdıŋ laqtyru stilı. Ony bölıp körsetetın basty erekşelıkterdıŋ bırı - olarǧa qarsy qarsylastyŋ küşın qoldanu täjıribesı. Osyndai täjıribelerdı jinaqtaǧan sportşy jastar elımızde öte köp. Köpşılıkke ülgı etıp, batyldyǧyn aiqyndau maqsatynda bıraz jarystar da ötıp jatyr. Sonyŋ bırı «Abzal jäne K» JŞS-nıŋ ūiymdastyruymen ötken dziudodan respublikalyq turnirı. 19-21 mamyr aralyǧynda bolǧan turnir öte joǧary därejede öttı,-dedı Asyljan Zūlfqarūly.-Turnirge qatysuşylarǧa barlyq jaǧdai jasaldy. Naqtyraq aitqanda, transport jäne jatyn orny, 3 mezgıl tamaǧy qarastyryldy. Aita ketetın jait, jarysqa jalpy 4 millionǧa juyq qarajat jūmsaldy. Jyl saiyn öz deŋgeiınde ötıp jatqan būl jarys auyl halqy üşın maŋyzdy şaralardyŋ bırı. Osyndai mümkındıkke qoldau körsetıp otyrǧan «Abzal jäne K» mekemesınıŋ rölı zor. Auylymyzda kürış alqaptarynyŋ damyp jatqanyn eskersek, basqa öŋırlerden kelgen qatysuşylar densaulyqqa paidaly, sapaly kürış tek şet elde ǧana emes öz öŋırımızde öndırıletındıgı jönınde bıraz aqparatpen tanys boldy. Sondyqtan būl jarys sport salasyna baulyp qana qoimai, auyl şaruaşylyǧyn jäne turizmdı damytuǧa ülken üles qosqany haq , - dedı "Abzal jäne K" JŞS-ı direktorynyŋ orynbasary Aigül Qosmūratova.
-Turnirge arnaiy halyqaralyq, ūlttyq töreşıler şaqyrtyldy. Sebebı, şyn myqtyny ädıl türde aiqyndau negızgı maqsattyŋ bırı. Jeŋımpazdarǧa aqşalai syilyqtar jäne QR sport şeberıne ümıtker ataǧy berıldı. Biyl on ekınşı ret ötkızılgen turnirdı aldaǧy uaqytta halyqaralyq deŋgeige deiın köteru josparda bar,-dedı N.Iliiasov auylynyŋ sport keşenınıŋ meŋgeruşısı Baǧlan Myǧymbaev.@Öŋırlık kommunikasiialar qyzmetı
