Jaŋa zaŋ jobasy. Kämeletke tolmaǧandar äleumettık jelılerdı rūqsatsyz paidalana almaidy

Qazaqstandyq kämeletke tolmaǧan balalar ata-analarynyŋ rūqsatynsyz Instagram, Facebook, WhatsApp, VKontakte platformalaryna tırkele almaidy. Qūjat jobasy Aşyq NQA portalynda jariialandy, dep jazady "Adyrna".

Būl joba elımızdegı balalar arasyndaǧy suisidtıŋ aldyn alu maqsatynda qolǧa alynbaq.  Balalardy zorlyq-zombylyqtan qorǧau, suisidtıŋ aldyn alu, olardyŋ qūqyqtary men äl-auqatyn qamtamasyz etu jönındegı 2023-2025 jyldarǧa arnalǧan "Bala qorǧau" keşendı josparynan belgılı boldy. Mūnda Instagram, Facebook, WhatsApp, VKontakte platformalarynda kämeletke tolmaǧandardy zaŋdy ökılderdıŋ rūqsatynsyz tırkeudı şekteu jönınde şaralar qabyldau 2025 jylǧy 1 toqsanǧa josparlanǧany jazylǧan. Būl bastamaǧa Sifrlyq damu, innovasiialar jäne aeroǧaryş önerkäsıbı, Aqparat jäne qoǧamdyq damu, Oqu-aǧartu ministrlıkterı jauapty bolady. "Bala qorǧau" keşendı josparyndaǧy mälımetke säikes, elımızde jasöspırımder arasynda qylmystyq jaǧdai kürdelene tüsken. 2021 jyly 1529 qylmys tırkelse, 2022 jyly oolardyŋ sany 12 paiyzǧa artyp, 1735-ke jetken. Mūndai qūqyq būzuşylyqtar, äsırese, Almaty qalasy, Batys Qazaqstan, Pavlodar, Maŋǧystau oblystarynda jiı tırkeledı.